Tigers a tsikila nokutyakaleka

0
21

Shipi Elago

ONGWEDIVA-Enyakwa lyuudhano woMTC Namibia Premier League Tigers FC olya li lya tsikile niizemo yayo yi shambula konima sho ya li ya likola iitsa ihamano ehuliloshiwike lya za ko moNooli yoshilongo mOshakati nomOshomeya.

Tigers okwa li a pe Young Chiefs FC yaShakati ootundi dhokatanga Olyomakaya ya za ko pokapale kemanguluko mOshakati komeho gaayambidhidhi omathele mboka ya li ya holoka puudhano mbuka.

Tigers okwa li a tula mo ookoola mbali okupitila koompadhi dhuumati uyali Mapenzi Munawei naAbsalom Iimbondi mboka ya li ya lulumike omitima dhaayambidhidhi yaYoung Chiefs mboka ya li ya holoka momwaalu omunene okukwathela ando osipana yawo opo yi ze mo momusinda omutiligane ashike iiyanekwa inayi ka tsakanena nomutenya.

Tigers okwa li a manitha olweendo lwe monooli nokudhenga Chiefs Santos 2-0 okupitila mu Mapenzi Muwanei noku pa Tigers iitsa ihamano yehuliloshiwike nokutula enyanyu koshipala shomudhewuli gwawo omupe Woody Jacobs.

Life Fighter “Okahirona” naye okwa li a mono iitsa yi li ihamano, Okahirona ngaashi Life Fighers eshiwike mokati kaayambidhidhi ye okwa li naye a gandja ootundi koosipana dhokomunkulofuta dhoka dha li dhe ya oku mu homona mOtjiwarongo mokapale koMokati Stadium moka a li a dhenge Eleven Arrows 2-1 mOlyomakaya omanga mOsoodaha okwa li a dhenge Blue Waters 1-0, nomasindano ngaka oga li ge mu kutha mo mokakololo koosipana dhoka dhi li pokugwa mo moliha pakathimbo.

African Stars oku li natango ta pangele oliha ndjika na okwa li a tulile po oosipana oonkwawo dhoka tadhi mu tidha pombanda yoshitaafula iitsa yi li omulongo naashika oshe mu tula koontuni dhokusindana po oliha ndjika ngele ayihe oye ende nawa.
African Stars okwa li a dhenge mo Rundu Chiefs nookoola mbali monola .

Unam okwa li a galukile kesindano nokudhenga Young African 2-1 pokapale kaLegare Stadium, omanga Blue Waters a li iipugulile omahodhi ge ngoka a li a zi nago kOtjiwarongo kokambindja kOrlando Pirates sho a li e mu dhenge 2-1 omanga mushiinda she Eleven Arrows a hanagula po Rundu Chiefs mwaashoka sha li okashinga keekoola mehuliloshiwike alihe sho a li a pe Rundu Chiefs 5-1 pokapale kaSam Nujoma Stadium.

MOshakati Young Chiefs ngoka a li I itekwa kaayambidhidhi ye okwa li a dhana shi thike pmawe naTura Magic 2-2 omanga Black Africa okwa li a sindana 3-2.

Young African okwa li e na ashike okugwanenwa koshitsa shimwe konima ehuliloshiwike alihe konima sho a li a dhana shi tike pamwe naCitizens 1-1 poLegare Stadium.

Chiefs Santos okwa li a dhana shi thike pamwe naTura Magic 1-1 pokapale kaOscar Norich Stadium.
Oku na owala uudhano tawu yalulwa nokonyala oosipana odhindji odhi na ko ashike uudhano omugoyi opo oliha yoMTC Namibia Premier League yi thike pehuulilo onkene oosipana otadhi ningi shanamutango opo ya mane ye li pondondo ombwaanawa dho oosipana dhoka dhi li pevi otadhi kambadhala okwiitumba po oshoka ngele inadhi ninga po sha nena otadhi ki iyadha dha gwa mo moliha.

LEAVE A REPLY

Please enter your comment!
Please enter your name here