Aakwiilongo mOutapi otaya hupu shokadhila

0
34

Nuusita Ashipala

Outapi-Ongundu yaazaizai ye li moNamibia shaa li paveta oyi li tayi kondekwa kuNakayidhi kaAlweenya momudhingoloko gwaOutapi, aakwiilongo mbaka otayi li tayi pi noonkondo noye li taya li iimbombo tayi elelwe omeya. Onkalo oya yaga kegonga nookondo oshoka inaya mona elago lyoku itsa iilongo momudhingoloko ngoka. Mokati kaazaizai mbaka omu na uunonona naakulukadhi, mboka ya li yi idhenge ondjila oku za kuAngola ye ya koNamibia nelalakano lyoku ka konga iilonga, ashike shike inashi pita we oshoka shiyenga shaNangombe ine ga dhenga pevi ga gwana natango. ‘’Aanamapya otaya ti kapu na iilonga oshoka omuloka ogwa kala ko nayi,” osho gumwe gomaazaizai a li a lombwele aatoolinkundana.

Aazaizai taya ti nonando kaye na uumbanda wokupopya omaupyakadhi gawo, oye na uumbanda okutumbula omadhina gawo osho wo mpoka ya zile manga inaye ya kevi lyiimpungu. Ashike oya kwashilipaleka kutya oya za koAngola. Aazaizai mbaka yi igongela lopehala lyoExtension 9 mOutapi, otaya hupu shokadhila. Uuna ya longa iilonga yokomake momapya, ohaya imonene po okashona kawo, hoka haka vulu okukala iimaliwa, iikulya, iizalomwa nenge kehe tuu shoka aahona yawo yopakathimbo taya vulu okugandja.

Kakele kokulonga uulonga wokuelufuna, opu na wo aazaizai yamwe taya gandja omayambidhidho nokutakamitha aakwanezimo yawo mboka ye li ya tambulwa moshipangelo shepangelo mOutapi. Omathimbo ga piti okwa li haya lala mpoka pwa li pe na okakamba koomeme mboka ye na omategelelo, ashike konakanena oomeme mbaka oye li ya pewa olukalwa lwi ikalekelwa kombaanga yoDevelopment Bank of Namibia.

Pethimbo onzokundaneki ndjino ya talele po ehala ndika, otwa adha aantu yi itopola muungundu ye li kohi yomiti taya ilongekidha okutaaguluka oshama, moka taya li oshimbombo tashi elelwa momeya. Omanga yamwe ya li taya li, opwa li ishewe tapu monika ongundu yimwe ya tula ongalamuthi yaShiteni moshifwagafaga, taya ti anuwa otaye ke shi lya mela lyondjila oshoka oya teka omukumo gokumona iilonga notaya shuna koAngola koompadhi, oshoka kaye na nando omambambi gokufuta oolefa.

LEAVE A REPLY

Please enter your comment!
Please enter your name here