Cascas a dhitikwa po komiya dhaShinana komeho gaatali

0
700

Shipi Elago

Oshakati-Omudhani omukulu gwokomeho gwosipana yopashigwana Brave warriors Fillemon Angula a tseyika nawa Cascas okwa li a dhitikwa po komiya dhaShinana komeho gaatali omanga a li ta wilike osipana yoYoung Chiefs muudhano wawo noAfrican Stars yaVenduka Osoondaha ya za ko mOshakati.

Otaku hokololwa kutya omudhani nguka omukulu gwosipana yOshakati City okwa li a ningilwa oshipotha kugumwe gwomaadhani ye mosipana yoYoung Chiefs Efraim Phimbi konima sho ta fekelwa kutya okwa li e mu ningile uushadha sho a li e mu thanga moshipala.
Pethimbo twa li moonkundathana naye, Phimbi okwa ti Cascas ke na nando uuthemba wokuguma omudhani kolutu na okwa li e wete kutya nando a li a ningi epuko li igalala omudhewuli nguka okwa li e na okulongitha omikalo dhimwe oku mu pa egeelo ashike haku mu guma kolutu.

Okwa holola kutya oye a li a patulula oshipotha, shoka sha li sha eta ekwatopo lya Cascas komiya dhaShinana montaneho yaatali mboka ya li ya holoka puudhano mbuka.

Otaku hokololwa kutya oshiningwanima osha li sha zi puudhano wopambili mboka wa li pokati kaYoung Chiefs nOngwediva City moka Cascas a li a kutha mo Phimbi mokapale konima yoominute ooshuushuka lela, ashike omudhani nguka okwa li a tindile mokapale ano atindi eyithano mo lye mokapale na okwa li a tsikile nuudhano.

Omudhewuli okwa li nduno e mu adha konima yuudhano ete mu pe ndoka lwa li lwa pewa Shaanika shaNehoya kooNalunanga yokOutjo e ta yalula oonyothi.

Kepulo kutya onakuyiwa ye noYoung Chiefs okwe yi taalela mokatalelo ke li ngiini omudhani nguka omukulu gwoYoung Chiefs okwa li a tindi oku yamukula kepulo ndyoka.

Ashike Phimbi okwa li a hololele Kundana kutya oku li a kutha mo oshipotha shoka a li a patulula naCascas oku li a za mo mokalimosho nando a li a lala momake gondjedhililo uusiku woOsoondaha ya za ko.

Oonkambadhala okumona ewiliko lyoYoung Chiefs naCascas odha li dha adha okwena kwa thita, oku tu lombwela ngeno kutya onkalo mYoung Chiefs otayi piyaganekwa koshike nopethimbo mpoka ye li ya pumbwa uukumwe opo ya hupe okakuya koPremier League
Osipana yoYoung Chiefs oyi li ne ngashiingiye pokati kolumpangwa nomwele na hayo ya li ya tegelelwa oku adhikwa komaupyakadhi ga tya ngeyi unene tu pethimbo mpoka ya pumbwa okulwa ya tula ombunda moshihwa opo yi tale kutya otayi hepe ngiinini ekuya ndyoka hali kokola mo oosipana dhoka iha dhi imi iiyimati iiwanawa moliha yoPremier liha.

Young Chiefs oku li pehala eti-14 momusholondondo gwoosipana na oku li a gwila mokakololo koosipana dhoka ta dhi ka pewa olukaku oliha sho ta yi ka thika pehuulilo.

Oliha yoMTC Namibia Premier League oyi na ko ashike omaudhano ga heyali naashika ka shi shi onkundana ombwaanwa kaayambidhidhi yoYoung Chiefs oshoka ngele Young Chiefs okwa lu ondende nena osha yela kutya okatanga koPremier League otaka ka ya mefudhepo manga miitopolwa yokonooli natango ngaashi sha li sha ningilwe pethimbo Oshakati City ya li ya gu mo moliha.

LEAVE A REPLY

Please enter your comment!
Please enter your name here