Geingob, Nandi-Ndaitwah, ya lili Schimming–Chase

0
94

Komutoolinkundana

OVENDUKA-Omupelesidente gwaNamibia, omundohotola Hage Geingob okwa holola euvo lye lyonayi shi na sha neso lyomunapolitika Nora Schimming-Chase, ngoka a hulitha konima yuuwehame wethimbo ele.

Schimming Chase, okwa hulitha mepipi lyomimvo 78, konima sho a li nokukondjitha omukithi gokaankela. Okwa li gumwe gomaaNamibia mboka ya tota po uuministeli wokuungaunga niikwapondje konima sho Namibia a mono emanguluko momumvo 1990.
“Onda uvu onkundana yakuume ketu neyeme. Hailwa Nora nahailwa Libertine Amathila oya li yamwe yomaakintu omapenda mboka ya yile koDer-Es Salam moomvula dhokutameka momumvo 1960 . Otandi halele ezimo lye oonkondo,” Geingob osho a li a shanga koTwitter.
Schimming-Chase okwa li wo a pewa oshishani onga ependafule lyonkatu yotango, momasiku 26 Aguste 2014, komuplesidente Hifikepunye Pohamba.

Omupevipilima, ngoka e li wo ominista yi na sha nomakwatathano giinima yopondje yoshilongo, Netumbo Nandi-Ndaitwah pamwe naaniilonga yomuuministeli we, nayo oya gandja omahekeleko koonakuthighwapo noya holola “uukwawowananghali pethimbo ndika lyoshikogo oshiluudhe”

“Kehe tuu mpoka Nora aSchimming-Chase a longa, okwa ninga po eyooloko, okwa kala nokukwathela oshilongo neinekelo itoo li pewa lwaali. Okwa li omunyakukwi noonkondo, nokwa kala onzo yokukwatha aaniilonga pamwe naye noku ya pa omayele gu uka,” osho Nandi-Ndaitwah a popi.

“Onkene pethimbo ndika lyoku mu lila, natu dhimbulukweni etumbulo lyaShakespeare tali landula: ‘Iipala tayi imemeha itashi ti kape na uudhigu, ashike otashi ti aantu oye na omitima dhokuumbata uudhigu mboka,’” Nandi-Ndaitwah ta ti.
“Ondi wete sha uka opo tu dhimbulukweni onkalamwenyo ya Nora Schimming-Chase, tatu lili tse tatu yolo,” amushanga ta kalele muuministeli mboka Selma Ashipala-Musavyi ta ti.

Schimming-Chase okwa li wo omukalelipo gwaNamibia koGermany okuza mo 1992 sigo 1996, osho wo ko Austria .
Omupelesidente ta ti Schimming-Chase okwa li ependafule mokukondjela emanguluko lyoshilongo, moNamibia okwa zile mo a ya muupongekwa pamwe naLibertina Amathila, moka ya ka adha Putuse appolus mo Ders-Es Salaam moomvula 1960.

Manga e li muupongekwa ngaaka okwa kala omukalelipo gwongundu yoSwanu moDer Es-Salaam shaTanzania, okuza mo 1974-1978.
Okwa li wo gumwe gomaatotipo yongundu yoCongress of Democrats (COD), mo 1999 okwa li a hogololwa onga omupevipelesidente gongundu ndjoka. Okwa kala wo omutotiveta megumbo lyopashigwana onga oshilyo shongundu yoCOD okuza momvula 2000 sigo 2009, konima okwi ki ikutha mo mongundu, netompelo kutya kutya ongundu yoCOD oya fa olweendo lwa tumba kaa lu na hoka lu uka.
Konima sho a thigi po iilonga yopapolitika, okwa li a hogololwa koombushe miilonga kwa li onga omunashipundi gwehangano lyaakalelipo yoshilongo mboka ye li moshipundi shevululuko.

LEAVE A REPLY

Please enter your comment!
Please enter your name here