Osipana yOnathinge yu ulukile oosipana 10 mOshikoto komutse gondjamba

0
86

Maria Namupala

OMUTHIYA-Osipana yokatanga kokoompadhi yOnathinge oyo kadhenga moshitopolwa shaShikoto, shoka she ya pe ompito opo ya ka kuthe ombinga medhingoloko lya landula ko methigathano lyuudhano wekopi lyoDebmarine.

Onathinge FC otayi ka wayimina noosipana dha za konyala miitopolwa ayihe moshilongo kedhingoloko lyoosipana 32, osipana ndjoka oya li ya ulike uunyakwa wayo mehuliloshiwike lya zi ko muudhano mboka wa dhanenwa pokakape komaudhano mOmuthiya.
Oya yi medhingoloko lya hugunina nosipana yoVolcano ya yambukile mOniipa, nosipana ndjoka oya dhengwa 2-1. Esiku ndyoka omakondombolo oga li taga li ehete molwaashoka kehe gumwe okwa li ta lalakanene okukalela po oshitoplwa muudhano wekopi ndyoka lyopandjokonona.

Ehulishiwike ndyoka oosipana 10 dhomoliha ontiyali odha li dha thigathana po, moka Onathinge oyo ya ulikile adhihe komutse gondjamba, aadhani yekopi ndyoka oya li taya dhana moshili nokuulika kutya otaya vulu okukalelapo oshitopolwa shoka.
Ekopi lyoDebmarine olya li lye ya mondambo lwotango omumvo gwa zi ko, mono oosipana dha za kiitopolwa dha wayiminathana noku ulika uunyakwa wadho, okwa tegelelwa natango oosipana dhoFirst Division dhi ka kuthe ombinga muudhano mboka tawu tameke ehuliloshiwike ndika twa taalela tawu dhanenwa pokapale komaudhano kOmulunga moGrootfontein.

Oshitopolwa shaHangwena nasho osha fumvike onkolo muudhano mboka ehuliloshiwike, moka osipana yOhangwena Nampol oyo tayi kalelepo oshitopolwa shoka muudhano wekopi ndyoka, nomumvo gwa zi ko oyo ya li ya kalele po oshitopolwa

Oosipana dhilwe ndhoka dha sindana kiitopolwa yilwe ongaashi Real Fighters ya za ko//Kharas, Omaheke NamPol ya kalelapo oshitopolwa shaOmaheke, Swallows ya za moKhomas, Swakopmund FC ya kalelapo Erongo, Dynamos ya kalelapo Otjozondjupa, Khuse ya kalelapo Oshana, Northwest First Division oya kalelwa po koGolden Bees, Southern Stream First Division ya kalelwa po koKhomas NamPol, Kunene oya kalelwapo koOutjo Football Academy, Kavango East- Once Again, Kavango West- Rhino , Zambezi ya kalelwapo koSpace osho wo Omusati gwa kalelwa po ko Fresh United.

Muudhano mboka wedhingoloko ndyoka lya fumvikwa onkolo mehulilo shiwike kiitopolwa, osipana kehe ya sindana ponkatu yotango notayi kalelepo oshitopolwa kehe otayi pewa oshimaliwa sho N$20 000, ndjoka tayi ya puutiyali otayi pewa N$10 000, omanga ndhoka dheya puutitatu tadhi hekelekwa nooN$5000, yokwiikwatha,

LEAVE A REPLY

Please enter your comment!
Please enter your name here