Top Cheri oku shi okuya po nokuza po ngele tashi ya kokuhika oongalo

0
54

Pinehas Nakaziko

OVENDUKA-Omwiimbi gwoongalo dhomaludhi ga yoolokathana gwedhina Monica Pinias, a tseyika moongalo onga Top Cheri, okwa li e shi gamena mOndangwa uule woshiwike ashihe shi twa zi, moka a li ta tseyitha noku ulika uunongo we moongalo, nelalakano lyokuyambula po omwaalu gwaayambidhidhi ye konyala moshilongo ashihe.

Kakele ashike ku shika, Etitano lya zi ko Top Cheri okwa li a tokola a mana mo sho a li a nyanyudha pehala lyoondya nomanwino lyoSmall Park mOndangwa, mpoka a li a imbi pamwe naSedjo Mind, ngoka e li oye gumwepo gwomaaimbi dhingi noyadhenga mbanda monooli.
Top Cheri okwa ti ye oku li u uvite uuntsa nuunambano kwaashika, oshoka shika osha ningi oshikando she oshitiyali ta nyanyudha mondoolopa oyo tuu ndjika. “Onda nyanyukwa sho nda imbi nokunyanyudha aakalimo yomodoolopa ndjika, noku ya ulukila uunongo wandje ngele tashi ya moongalo,” Top Cheri ta ti ngaaka.

Top Cheri okwi imbi uungalo we utano, mwa kwatelwa Victoria, Hanga Over naGood Man. Okwa ti aaNdangwa naakalimo yopopepi oya li ya holoka mengathithi, yo ya inyanyudhe koongalo dhe, nokushoka te ya etele po.
Kokupandula aaholokipo poshiindingili shika, Top Cheri okwa ti Small Park oya li ya longekidha iikunwa yoshali kumboka ya li ye ende kuyele.

Top Cheri enzuna ndyoka hali imbi oongalo tadhi inyenge nawa, nokwali a tameke oku imba okuza mo 2014. Okwa hokithwa oku imba ku The Dogg manga a li omushona. Top Cheri okwa tseyika koyendji sho a pititha okangalo ke kotango kedhina Victoria pamwe nokavidio kako, hoka taka popi kombinga yokambo ke hoka a li a nyola omvula ya za ko kedhina ‘Love, Sex and Flight Tickets’.
Kakele kwaashoka, Top Cheri okwa ti ye oku li ti ilongekidha oku ka pititha okafeelema kawo hoka ya dhana pamwe naTate Buti nongundu yoPDK, kedhina Captain Kalola 2, taka piti muule wethimbo efupi.

LEAVE A REPLY

Please enter your comment!
Please enter your name here