Oongangala dha homata dha yuga omunafaalama iimaliwa N$200 000 ohela

0
912

Loide Jason
OVENDUKA

Opolisi moshitopolwa shaMusati otayi kongo ekwatho lyomeendelelo moshigwana mokuyambidhidha okukonga oongangala dhoka dha yugu dhahomataa omunaafaalama ngoka ha limi iikwamboga. Okwa hokololwa kutya oongangala ndhika dhi vulithe pune odha ponokele egumbo lyomunafaalama ngoka, moka mwa adhika ashike omukulukadhi gwomimvo 56 e tadhi mu yaha mokooko opo nduno ya wape okufadhuka po noshimaliwa koomuma shi thike poondola 200 000.

Oshiningwanima shika osha ningilwa komukunda gwedhina Embumba moshikandjohogololo shaShikuku uusiku wokupendukila ohela.
Kakele koshimaliwa shoka opolisi oya ti mbaka oya li woo ya fadhuka po noradio yomuzizimbe ndjoka yoshinanena lela noshowo oshifufuta shomunafaalama nguka.

Omupopiliko gwopolisi moshitopolwa omo tuu moka okwa koleke ehokololo ndika ta ti gumwe gwomoongangala dhoka oku shiwike noshigwana otashi indilwa noonkondo opo shi gandje uuyelele mboka tawu vulu okumangitha ookalyamupombo mbaka.
“Omukulukadhi ngoka a adhika megumbo okwa yahwa nondjembo mokwaako sho oombudhi dhika dha umbu iikando itatu mondunda yawo yokulala. Oya pondola okuya mo e taya zi mo niimaliwa mbyoka koomuma,” osho omupopiliko gwopolisi a hokolola ngaaka.
Ashike Kalunga sho iha dhipagelwa oyana, gaali gwomomahauto gwoongangala dhika oga dhama, ashike nani aniwa oya li ye na po ehauto limwe etitatu ndyoka olyo ya matuka po nalyo.

Caption (Pic: Robbery.jpg): Opolisi otayi kongo ekwatho lyomeendelelo moshigwana mokuyambidhidha okukonga oongangala dhoka dha yugu dhahomataa omunaafaalama ngoka ha limi iikwamboga. Opolisi oya gandja efano ndika lya gumwe gwo moongangala ta dhi kongwa.

LEAVE A REPLY

Please enter your comment!
Please enter your name here