Oongalo dhaJackson Wahengo dha gwitha aantu kiipundi moWarehouse

0
46

Komutoolinkundana
Ovenduka

Uuyuni owa li koshitithidhimbulutho shemanguluko lyoshilongo shetu shoka sha li sha tata sha indula kOshomeya, ashike nomoshilandopangelo omwa li wo aantu mboka ya li taya ndaanisa taya teka koongalo tadhi hokitha, ndhoka dha dhengwa kongundu yaahikingalo mboka ye shi mo nawa mondambo. Jackson Wahengo, ngoka e li katokote uuna tashi ya kokuhika oongalo, okwa li a kwatele komeho ongundu ndjika. Ngele tashi ya kokuhika oongalo dhopamuthigululwakalo te dhi nanenapaleke, Wahengo ohe shi ningi nuunyakwa wa tsa mokalemo, noha gwitha aantu oyendji kiipundi. NomEtitatu lyoshiwike shika natango okwa li e tu pe mo mokambundju ke koongalo pethimbo lyetyapulo lyoshituthidhimbulutho shemanguluko, shoka sha li poWarehouse Theater pethimbo lyokatango ka li taka ka pa oyana mOvenduka.

Omiyelo odha li dha patuluka potundi onti-17, naantu oya li ya kundwa kezimba lyiikulya niikunwa mbyoka ya li po, ngaashi okapana osho woo uukunwa wanakanena tawu ithanwa melaka lyoshitakumi takiuti “cocktail”, oongalo dha talala nawa notadhi nyanyudha omutima odha li wo tadhi dhanwa okuziilileamondunda tayi ithanwa Boiler.

Otundi onti-20 sho tuu tayi ti to, Wahengo nongundu yoHome Boys nayo oya nukile mondambo yoWarehouse, moka ya li ya pe mo aatali
moongalo dhawo dha yama komaludhi goongalo odhindji muuyuni. Konima yethimbo, poWarehouse opo tuu mpoka, D-Jay Seboa okwa li a lundulula omuhingo gondaanisa kashona sho a li a ta dhana oongalo dholudhi lwoHouse Music, ye ta dhimbulukwa wo aahikingalo aaNamibia mboka ya tumba nale iimbale yawo, osho wo Hugh Masekela, ngoka a li ha dhenge oongalo shimwe to nyengwa. Osho sha kala tashi ende nawa ngaaka uusiku auhe.

Jackson okwa li e na okangalo kamwe e ka nunina Hugh Masekela. Okwa li e na edhiladhilo e ke ka dhanene Hugh Masekela koSouth Africa, ye a mone wo ekwatho lyokumanga uukuni kumwe naye, ano ya imbe pamwe nenge ya nyanyangidhe oongalo dhontumba. Omakwatathano oga li ga ningwa okukalonga naHugh Masekela, sho nduno uungalo wontumba wa li wa telekwa wa pya, nowa li tau vulu okutumwa koSouth Africa, onkundana ombwiinayi oye ya momakutsi gaaNamibia kutya ngoka ihaa kwatelwa ngele ta tenge, osho a longa po shoka. Nonando ongawo, ina tula nando omutse kepepe nokwa ka goya ko koongalo dhe naahikingalo aaNamibia. Yamwe yomuyo mboka a longa nayo oyo Kali Kasinda, Esme Katjikuru naRomancia Shoonga.

LEAVE A REPLY

Please enter your comment!
Please enter your name here