Tsikileni nokufendela iifuta yepangelo – Schlettwein

0
37

Victoria Kaapanda
OSHAKATI

Minista gwemona, omusimanekwa Calle Schlettwein okwa pandula aashingithi yomonooli sho ya kala nokufuta nawa iifendela yawo yokomumvo moshiwike sha zi ko mOngwediva.

Ta popi ngeyi pethimbo lyeyalulo lyokomumvo gwepangelo, ndyoka lya li pokati kuuministeli wemona noshitayi shaanangeshefa monooli tashi ithanwa Namibia Chamber of Commerce and Industry (NCCI). Schlettwein ta ti oshitayi shomonooli osho oshitiyali mokufuta nawa iifendela yawo, omanga oshitopolwa shaKhomas osho tashi kangele iitopolwa ayihe.

Minista ta tsu omukumo kehe gumwe ngoka ha futu iifendela mbika a tsikile nokufuta neyitulemo, yo ya fute iifendela mbyoka yi li konima. Oya gwedha ko sigo omasiku 03 gaApilili nuumvo opo kehe gumwe a kale a futa. Shino osha li sha pe uuministeli omukumo opo wu vule okudhima po oondjo dhaamboka ya li konima mokufuta iifendela yawo, osho wo okukutha ko kondando yokufuta iishoshela yepangelo noopelesenda omilongo heyali ( 70% ) pethimbo ndyoka lyeyalulo lyokomumvo lyo 2017/2018.

Schlettwein ta ti sho ya kala nokutsa omukumo opo iifendela yepangalo yi futwe, uuministeli wemona owa gongele Obiliyona yimwe oshinkwanu yimwe. Otu li neyitulemo opo oongunga adhihe dhi kale dha futwa no inatu hala nando ogumwe a kale e li konima ina futa iishoshela ye. Uuministeli owi ipyakidhila nokuya po nomukalo gokukelela oongunga konakuyiwa”. Schlettwein a yelitha.

Ta gwedha po kutya Uuministeli woshimaliwa owu li wi ipyakidhila noku eta po uutekinika wopaungomba mboka tawu kala noku ithanwa E=tax payment opo kehe ngoka ta kala ta futu iifuta ye yokomvula shi mu ningile oshipu uuna ta futu, naashika otashi shunitha monima uulingilingi, iimaliwa tayi kana nosho tashi kwathele oshigwana okuhupitha ethimbo nelongitho lyoshimaliwa, naaniilionga otaya kala nokulonga nuupu.

Joshua Haimbo ngoka a li a gongola pethimbo ndika lyeyalulo lyokomumvo pokati kuuministeli woshimaliwa noshitayi shoNCCI okwa gandja omayele kutya aanangeshefa yomonooli ayehe oya pumbwa elongo opo ya uvithwe ko kombinga yokufuta iifendela yepangelo. Ta gwedha po kutya omukalo nguka ogo gumwe gokutaandelitha oshimaliwa moshilongo shetu.

LEAVE A REPLY

Please enter your comment!
Please enter your name here