“Zuma okwa kengelela ndje,” Mugabe ta ti

0
1158
South Africa's President Jacob Zuma (front, R) and his wife Thobeka Mabhija (back, R), and Zimbabwe's President Robert Mugabe (front, L) and his wife Grace (back, L), arrive at the Union Buildings in Pretoria on April 8, 2015. Mugabe is on his first official state visit to South Africa since 1994, as he seeks to drum up foreign investment to revive his nation's moribund economy. AFP PHOTO / STEFAN HEUNIS

Ngoka a li nale omuplesidente gwaZimbabwe Robert Mugabe okwa keme nokwa ti okwa geela ngoka a li nale omuplesidente gwaSouth Africa sho a li a ndopa oku mu kutha kohi sho a li a thiminikwa a thige po oshipundi shuupelesidente. Ta ti Zuma okwa ndopa oku mu gamena osho wo okukeelela opo kaa umbwe ko koshipundi.

“South Africa okwa li e na okukwathela,” ta ti South Africa oye a li e na uunashipundi woSADC pethimbo sho omatanga taga komandwa kukakukutu komatanga Constantinho Chiwenga ga li ge mu thiminike a ye moshipundi shevululuko. Mugabe ta ti Zuma okwa li ashike a tumu ko aanambelewa aashona, mboka wo ya li ye li olwaamambinga noya kala ya fa kaye wete shoka sha li tashi ningwa.
Zuma okwa li a tumu aanambelewa ye li mewiliko lyaminista yegameno Nosiviwe Mapisa-Nqakula, osho wo ngoka a li ominista yegameno lyoshilongo, Bongani Bongo.

“Opo ya li mpaka, noya mona shoka sha li tashi inyenge po, ashike oya shuna e taya gandja olopota kutya inapu pumbiwa oku idhopwa mo. Molwaashoka oya li ya popi nookomanda.” Mugabe ta ti.
“South Africa ka li e na okutuma omatanga gegameno, ashike okwa li e na okuhwahwameka oonkundathana.”
“Ou wete kutya oominista ndhoka odha ka gandja ehokololo lyanakalindi, tadhi ti odha popya wo naakwiita.”
“Ngele nena oya popya naakwiita e taya gandja olopota kutya moshinima muka itamu idhopwa, iilongo iikwawo oya kala ashike omutumba ya tya thilu tayi ti, ah, South Africa okwa popya a mana.”

Mugabe ta ti sho a dhimbulula kutya uudhigu owa li wu vule oonkondo dhe, okwa li a dhengele Zuma osho wo aaleli yalwe ngaashi Uhuru Kenyatta gwaKenya, Edgar Lungu gwaZambia, Filipe Nyusi gwaMozambique osho wo omuleli omukulu gwaSouth Africa Thabo Mbeki.
“Kombinga yimwe ondi wete nda kengelelwa, ashike kombinga yimwe tala wo konkalo. Kakele kaSouth Africa, yakwawo kaye na oonzo dhoku idhopa mo. South Africa oye a li e na okukandula po okaudhigu haka, ashike ine shi ninga, noku li a gandja oshiholelwa oshiwinayi.” Ta tsikile ko ngaaka.
Grace ta lombwele aatoolinkundana kutya okwa li a pe omusamane gwe omayele opo a ze ko koshipundi nelalakano lyokukeelela omakuyunguto.

Mugabe ta ti aantu oyendji oya li ya dhipagwa pethimbo a li ta umbwa ko koshipundi.
“Ndika olya li epangelo tali umbwa ko koshipundi, kandi shi kutya omwa hala oku shi ithana we shike,’’ ta ti ngaaka.”Ondi uvite nda kengelelwa kuMnangagwa ngoka ongame nde mu zula, noku mu hupitha wo opo kaa mangelekwe mondholongo pethimbo lyekondjelomanguluko. Mnangagwa okwa kala omupeviplesidente sigo opethimbo mpoka a li a tsuwa olukaku kuMugabe muNovomba.

Grace ta ekelehi wo omapopyo kutya pethimbo Mnangagwa a li a tidhwa, okwa li e na edhiladhilo oye a ninge omupelesidente. “Kakwa li nda hala nokuninga omupeviplesidente,” ta gwedha po kutya okwa li a hala koshipundi shuuplesidente ku ye ngoka a li nale ominista yegameno Sydney Sekeramayi, oye a ye pehala lyaMugabe.

LEAVE A REPLY

Please enter your comment!
Please enter your name here