Kondjitheni uulingilingi – Geingob

0
51

Pethimbo ta popitha engathithi lyagongala pokapale komaudhano ka Oscar Norich moTsumeb Omutse goshilongo omundohotola Hage Geingob okwa pula aaNamibia yiimange kumwe, mokukondjitha uulungilingi oshowo edhengelo lyondhi peho. Geingob okwati nonande taku dhimbulukwa oomvula 28 konima sho oshilongo sha manguluka, natango onkene muna aanambelewa miikondo ya yooloka mepangelo taya longo nuulingilingi, shoka ati osha pumbwa okuhulithwapo. “Gamwe gomomashongo ngoka twa taalela otaga vulu owala okukandulwapo uuna twiimanga kumwe okuga kondjitha, uulingilingi moshilongo otawu yi moshipala ehumokomeho moshilongo,” Geingob tati. Tati aaNamibia oya pumbwa okuhulithapo ombepo yuukwamuhoko, yo ya kwashilipaleke kutya oya kambadhala okulonga shoka shu uka ethimbo kehe, tati emanguluko lyoshilongo olya pitila mombinzi tayi tika nokene ombili ndjoka oya pumbwa oku kalekwapo. (Efano: Maria Namupala)

LEAVE A REPLY

Please enter your comment!
Please enter your name here