Okukaleka mo uuyelele waPaasa moongeleka dhaNamibia

0
30

• Reverend Jan A. Scholtz

Oshituthi shOpaasa otashi ti shike kutse Aanamibia pethimbo lyongashingeyi? Owe shi ndhidhilika tuu kutya ethimbo lyiituthi yapaasa olya yooloka nethimbo lyOkili? Oondando dhowina dhopethimbo lyokili ohadhi tameke okutaandela nokuli moositola okutameka ngaa muAguste. Uuyimbilo uuwanawa wokili ohau uvika poompito adhihe uule woomwedhi, tau tu thindikile sigo omokili, nau ka tule ko oshitsa omo 26 Desemba (Esiku etiyali lyokili).

Ashike ohashi monika natango sha sama okutameka oku imba omayimbilo gopaasa omanga inayi thika, sho osha sama tuu shili. Oshili kutya oositola ohadhi landitha omayi nuulimba osho wo uugala mboka oyendji ye wete kutya owo wu li endhidhiliko lyOpaasa, ashike shoka hasho okutya osho oshituthi shapaasa. Eyumuko ohali ya ashike konima yepangulo, okumonithwa iihuna, osho wo okuhalelwa komushigakano.

Nonande iinima oyindji ya yi momake gomangeshefelo, sigo okeluwa ndika kapu na nando ogumwe a vula oku shi tula pamuthika gomangeshefelo nokudhina edhipago ndyoka lya ningilwa omona gwaKalunga. Shoka oshinima oshiwanawa.

Otwa taalela oshiwike oshiyapuki, ndika olyo ethimbo lyokudhiladhila nokutalulula oshiningwanima shoka sha simana mondjokonona, shoka tashi ka hula nelondo. Uuna mbyoka yokombanda yevi tayi tsakanenene naambyoka yomegulu, opo hapu tukuka ombepo yuuyapuki. Onkene Aakriste Aanamibia otu na ishewe ompito yokukutha ombinga miituthi mbyoka ya simana.

Oshituthi shopaasa kashi shi ethimbo lyokukala owala omutumba, tse tatu tegelele kalunga a kandule po omaupyakadhi getu agehe. Ndika olyo ethimbo aakelesiti ye na oku uvitha ko aantu esimano lyomasiku ngaka opo wo ga tsikile sigo okomapipi tage ke ya.

Kape na eyamukulo epu kutya omolwashike aantu itaaya hala we koongeleka. Yamwe oyi itaala kutya otu li ashike pethimbo ewinayi, nuuna aantu taya ka adhika kuudhigu oye na oku ka mbombolokela koongeleka. Ompanga yamwe taya ti ongeleka otayi si notayi ka pingenwa po ishewe koongeleka dhimwe. Ashike yamwe oya kutha onkatu opo ye ete ongeleka yi tse kumwe nonkalo yonena, ya eta mo nale uungalo woshinanena osho wo omikalo dhilwe dhokuhambelela nokutanga omushiti. Ashike shoka shi li po sha yela osho shika kutya inatu pumbwa we okulongitha omikalo dhonale.

Omanga ethimbo lyopaasa tali ningi omuzimbi ngeyi, otatu ka thikama komeho golutu lwomukulili, tse tatu dhiladhila nkene tatu undula po emanya ndyoka li li posheelo shombila. Manga tu li twi ipyakidhila nokulundulula ongeleka, osha simana wo tu dhimbulule kutya natse yene otwa pumbwa okulundulula tu mone oombepo oompe. Uuna aantu taya ka kala ye na einekelo kutya ongeleka oyo ehala moka to vulu oku ikolelela mulyo uuna u na omalimbililo nuupyakadhi wontumba, nena oonte dhentango otadhi ka minikila dhu uka mombila.
Onkene onge Aanamibia, inatu palutheni ompito ndjika opo tu longeleni yakwetu uuwanawa.

• Reverend Jan A. Scholtz oku li oye omunashipundi gwoshikandjohogololon sha!Nami#Nus.

LEAVE A REPLY

Please enter your comment!
Please enter your name here