Omundunda omukunda gwa dhimbiwa

0
291

Victoria Kaapanda
OMUNDUNDA

Omukunda Omundunda gu li moshitukulwa shaShikoto, ogo omukunda gwa nika oluhepo noonkondo oshoka nando oshilongo sha manguluka mbaka ina ya fa yeli oshitukulwa shaNamibia.

Momukunda muka iha mu longithwa naanaa oongodhi oshoka kamu na onetwork, kamu na olusheno, omeya ohaye ga mono lumwe momwedhi, haye ga etelwa kololi ndjoka nokuli hayi faula oomwedhi dhimwe. Kaku na okakilinika ko ishewe kaku na opate ndjoka ya ya ko nenge ya taakana ngaa momukunda moka. Osikola ndjoka yi li komukunda hoka oya dhikwa niixwali.

Omundunda ogu li konyala ookilometa 29 okuza mOkankolo. Okakilinika keli popepi okaKankolo. Aanona oyendji yokumukunda huka oha ya mana osikola nuudhigu oshoka okasikola kawo haka kiixwali oka hulila owala poGrade 3. Ohaya katsikila nee kOndondo Ontine ndjoka yili koosikola dhokomikunda dhokokule.

Pethimbo yali taya dhimbuluka esiku lyemanguluko lyaNamibia, aakalimo mbaka yethike lwopaantu yeli 80 lwampono oyali yagandja omaudhigu gawo kuminista gwemona Natangue Ithete, ya popilwa ko Kansela gwaKankolo Hans Nambondi. Nambondi ta ti nonande Namibia olya manguluka omimvo 28 ngashingeyi, nemanguluko olya etelela omauwanawa, ogendji gomomauwanawa ngano natango ina ga thika kundhimwe dhomomikunda shomoshikandjohogololo she. Omikunda dhika ngaashi kOmundunda nokOmutwewomhedi.

Nambondi ta ti, aanamikunda mbaka oya pumbwa oondjila, oshoka okandjila hoka haya longitha okuya koKankolo okathinina nookondo, ko oke li mevugu, mokati kiihwa. Ngele okwa zi iitukutuku tayi itsakaneneke mokapate haka, kayi na nando ompito yoku pingathana. Shino ota shivulu oku etitha iiponga.

Oya pumbwa okakilinika, oshoka aakalimo yomomukunda nguno Omundunda, oshowo omikunda dho pushinda ngele ya adhika kuvuu ohaya ende ookilometa omilongo ndatu nane (34) okuya koklinika yakankolo, opo yakamone uuhaku.

Taya nyenyeta wo kombinga yolusheno, pempito dhimwe aalongi ohaya iyadha ya hala oku longitha ointanete ya onga oshikwathitho-longo, ashike itaya vulu omolwa olusheno ndoka kalu po osho wo onetiweka ndjoka hayi nyangwanyangwa.

Osikola oyili monkalo yi nyanyaleka, ano ngele omvula tayi loka omeya ogena kupita gaye meni oshoka ongundu odha dhikwa wala niiti, oshowo etala ndoka hali ningilwa owandaha othaila wala yili po.

Aalongi mboka haya longo aanona mboka ohaya zi wala muupelike, kawu na lusheno nomeya. Shika anuwa ohashi etitha aalongi mboka yena oonzapo aluhe ya kale kale taya kongo iilonga kulwe, na uuna uya mono iilonga, ohaya thigi po Omundunda mbala.
Nonando aanamikunda mbaka oya kale ya taalelwa komashongo omanena ngaaka, oosikola dhomoshitopolwa dhoka dhina oongundu sigo 10, ohadhi shi enditha lela nawa mekonakono lyahugunina lyokomvo. Ta gandja oshiholelwa shosikola yokOmutwewomhedi ndjoka omvula ya zi ko ya mono oopelesenda 100 moGrade 10.

Nambondi ta ti iitopolwa mbyoka oyili mOnkalo shaashi no ololi ndjoka oha yi fala omeya koshitopolwa shahangwena, aanamikunda mbaka ohaya ningi onkambadhala yokuya komikunda dhopushinda yaka konge omeya moomboola. Ashike omeya ngoka otaya nyenyeta kutya omeya omalulu nonkoondo, nohaga eta ga ehameke yalwe momapunda.

Nambondi ta tsikile ta ti, kombinga yomakwatathano go pangodhi ota ga nyangwangwa, omakwatathano ohage ya mo wala pakathimbo okashushuka, lwopombali yokeengula nokugwa mo.

Moshipopiwa shesiku Minista gwopevi gwemona okwa li a popi kutya AaNamibia oya pumbwa okulongela kumwe nokukwathathaneni oshowo okukala nombili.

Ithete ta ti sho ayi koshipundi nge omupevi minista gwemona muMalitsa 2015, okwali a vuneke koshilongo shaye, omuPresidente Hage Geingob oshowo kAaNamibia ayehe kutya otaka longa nuudhiginini, neyuvaneko lye okweli kutha ko neyitulemo oshowo okuna okulonga neitulemo oshowo nemanemo elela.

Ta gwedha po ta ti “emangululo lyoshilongo ina li ya ashike nuuthemba, olya eta wo uuwanawa weilongo, uuhaku, nevi. Nonando uuwanawa mboka inawu thikako natango momukunda muno owuna wala okuthi ka ko”.
Ithete ta yelitha kutya nonando aantu oya pewa uuthemba wokuinyenga, okuya kondolopa dhili nodhili, ita ku ti naya ye e ta ya dhimbwa hu ya zile.

Ta kumagidha akalimo yo momukunda omundunda kutya naya kale wo taya kambadhala okueta mo iilonga momukunda gwao. “Olye ta limi omapya geni? Olye ta tungu omukunda gweni, opo wo gufe shoka tashi kuhilile kondolopa hoka wala?” Ithete ta pula
Ithete ta ti “shono otatu shipondola owala ngele twa twakutha mo ondumbo ndjono tu na, kutya omwiidhi ogu kale gwa gwaziza nawa kombinga ndjiyaka”.

Pamukalo gwatya ngaka opo wala tamu vulu oku andjakanitha oshimaliwa moshitopolwa sheni.
Ngoloneya gwashikoto Henock Kankoshi, Mwene gOmukundu Omundunda John Nekwaya nayo oya li thika koshituthi shevalo shaNamibia sho agwanitha omvula 28.

LEAVE A REPLY

Please enter your comment!
Please enter your name here