Ondoolopa yaKahao tayi unganeke ethigathano lyethamba dhingi

0
61

Shipi Elago
OKAHAO

Elelo lyodoolopa yaKahao ota li unganeke ethigathano lyokanangula dhingi ngula mOkahao okuzilila poshinyanga shaShaanika Nashilongo, otashi ka tameka potundi ontihamano kwa pepa nawa.

Ethigathano ndyoka otali kala etitatu konima sho lya li lya dhikwa po, nolya tegelelwa li ka mwenyeke ondoolopa yaKahao niitopolwa yopopepi sho uunangula wu li omu-12 tau ka kondjithathana opo ku talike ngoka ta ka kutha po oshihani shonuumvo konima sho sha li sha sindanwa po kuLaina Kaapanda methigathano lya zako.

Gumwe gomaakwatelikomeho wuudhano mbuka Haihambo Victoria okwa ti ethigathano ndika olya tegelelwa opo li ka mwenyeke aakalimo mondoolopa naamboka taya adhika ta yatalele po ondoolopa pethimbo lyiituthi yaPaasa.
“Otu li twa hogolola oontana dhi li omu-12 ndhoka tadhi ka kala nokunyanyudha aatali poshinyanga shOsekundosikola yaShaanika Nashilongo ongulohi yEtitano ndi.

Okwa ti oshishani shokakadhona hoka haka zi miipelendelo nawa , Miss Photogenic, otaka hogololwa kaakwashigwana okupitila kepandja lyofacebook lyOkahao Town Coouncil hoka kehe gumwe ta vulu okumona uunangula mbuka nokugandja ewi lye kutya okeni ke na omafano ga nika omboma, nokanangula hoka taka ka wayuka mo nomawi ogendji nena oko taka ningi Miss Photogenic.
Mushe oye ta ka kala omuhikingalo omunene gwongulohi opamwe naahikingalo ya za moshitopolwa.

Uutekete otau monika poombelewa dhelelondoolopa moka uunona uushona tau futu N$ 10, Aanasikola N$ 20, Aakuluntu N$ 50 omanga mboka ya hala oku ka kuutumba kiipundi yoohashike shalye taya futu N$200. Uutekete otau ka landithwa wo posheelo siku lyoshiithanene.

LEAVE A REPLY

Please enter your comment!
Please enter your name here