Oohi dha dhengepo omukaga

0
233

Victoria Kaapanda
ONASHIKU shaLABANI

Omuloka gwa tsikile no kuga poolele pevi moshitpolwa sho monooli. akalimo yo mo mukunda Onashiku shaLabani moshikandjohogololo shaKatana ya tseyithile onzo kundaneki ya kundana ongula ye tiyali omasiku sho gali 27 Malitsa nuumvo.

Shiyenga shaNangombe ye ga poolele pevi iiwike yaziko moshitopolwa ashihe sho monooli. Omuloka ogwa nyanyudha oyendji yomiitopolwa yomonooli, oshoka ogwa etelela oohi dhoka haya mono omwelelo, oshowo okulanditha opo ya mo ne oshimaliwa shoku hupa nokukwathela akwanezimo yawo unene mboka yeli keskola. Ilonga yomopya oyina okulongwa lela ano ondjala kashiwike nuumvo.
Omukalimo gumwe gomomukunda Onashiku shaLabani Aupa Erwin gwemvula 41 sho yali monkundathana noshifo kundaneki shaKundana okwati yo oyeli ya nyanyukwa noonkondo omolwa omuloka omuwanawa, oshoka ogwe ya etela uuwanawa kombinga yo mwelelo oshowo oshimaliwa.

Tagwedhapo tati: “Oohi dhika tatu kwata odha dhengapo omukaga momagumbo getu”. Itaya longitha we oshimaliwa okuya koondolopa oku kakonga omwelelo. Shino osheya kwatha lela mokuhupa kwawo oshoka oyendji yomomukunda gwawo iha ya longo no taya hupu nudhigu.

Erwin tastikile kutya oha ya kwata oohi dhoka yo taya landitha opo yamone omboloto, oshowo oku kwatha akwanezimo yawo pampumbwe yoshimaliwa. Uunona wawo mboka wuli koskola ohawu kwathwa noshimaliwa tashi zi mo kulandithi oohi dhoka.
Ontopa ndjoka haya kwata noku tega oohi dhawo oyali ya thita ashike oya kutha onkambadhala opo yeyi thutulule ya tege oohi dhawo.

Kakele kulya no ku landitha, uuhi mboka haya tege nonete ihe itawu vulu ku liwa nokulandithwa oshoka ushona, ohaye wu tula mokandobe momakoye gawo eta tekula uuhi mboka sigo wakoko, ya ningile wo omwelelo ngelo omvula yashuna.

LEAVE A REPLY

Please enter your comment!
Please enter your name here