Olye ta ka ninga omuleli omupe gwaCuba?

0
71

William M. LeoGrande

Omalunduluko gaaleli moCuba oshinima sha pumba, omwa ningwa ashike elunduluko limwe okuza mo 1959. Shoka osha ningilwe momumvo 2006, sho omupresidente ethimbo ndyoka, Fidel Castro a li a hakukilwa kuuvu e ta pingenwa po kumumwayina Raul.
Raul Castro okwa li u ulike lela kutya ye ota vulu oku eta omalunduluko ogendji.

Ashike ngashingeyi oku na okuza ko koshipundi shuupresidente, konima sho a li a lele iikako iyali. Momasiku 19 Apilili, omutumba gopashigwana otagu ka hogolola omuleli gwaCuba ta landula ko.

Noshikando shotango konima yoomvula dha pita po-60, itaka kala nande e na ofani Castro.
Shika oshinigwanima sha simana- shimwe shomwaambyoka ya simana kaaku na we nda mona mule woomvula omi-40 ndhoka nda kala nokupekaapeka nokushanga kombinga yaCuba.
Kehe tuu oshilongo sha valwa okuza mekondjelomanguluko, okugandja oonkondo dhopapolitika kepipi lya landula ko oshinima sha nika oshiponga.

Omupingenipo gwaRaul Castro oku na okukokitha eliko lyaCuba, noku idhidhimikila USA osho wo okuidhidhimikila uungowela mboka tau mu pe uusama mboka u li tau indjipala.
Ashike shika oku na oku shi ninga manga ongundu yoCommusist Party natango mu na oohailwa oyendji ya Fidel Castro, mboka ihaya tsu kumwe niinima ayihe mbika.

Olye ta vulu okulyata moompadhi dha Castro?
Fidel Diaz-Canel, oku li oye a talika ko ta ka pingena po Fidel Castro. Eyo lye lyokoshipundi otali ka ulika nkene oonkondo dha gandjwa noku engenithwa kokule kepupi ndyoka li na ondjokonona kamana moCuba, noyendji oye li yu uka moomvula 90.
Momumvo 2011, Raul Castro okwa li a gandja etokolo opo aakwanepangelo aakuluntu osho woo aakuluntu mongundu ya pewe uule wiikako iyali, ta ti kashi shi oshinima oshiwanawa uuna aakokele taya dhamatele kiipundi.
Ashike uukwatya tau shambula waFidel Castro, ngoka a manene oondjenda dhe momumvo 2016, owa kala owo ongudhi yepangelo lyaCuba.
Diaz-Canel, ngoka e li omupangeli gopaungomba paithano lye, okwe ende okuza poonkatu dhopevi, okuza onga omuleli goshikandjo sigo ta ningi omupevipresidente, oku na okusimanekwa shi ikwatelela kiilonga ye.
Mboka ya landula eithano lye otaya ti Diaz omunapolitiika e na ontseyo oyindji.
Taku popiwa anuwa kutya okwa kindja komeho gaantu oyendji, ashike omungungumani uuna pe na aantu ye li muungundu uushona, ngaashi naanaa omulongi gweRaul Castro.
Ongomupresidente, Diaz-Canel onkene natango ta ka teka muunongo waCastro.
Castro oku li oye amushanga gwongundu sigo omomumvo 2021, ndjoka oyo yi li oyo ashike ongundu yopapolitika moCuba.

Ondondo ndjika otashi vulika yi na oonkondo dhi vule dhapresident. Elelo lyongundo olyo hali ningi omatokolo omanenene ge na sha neliko, onkalathano osho wo oompango dhomakwatathano niilongo yilwe, ngoka presidente a tegelelwa i iyuthe kugo.
Onkene inandi tegelela sha naana oshinene tashi zi kombinga yaDiaz, hapaife manga.
Ashike egandjo lyoonkondo komuleli gumwe oshinima sha simana. Otashi ka kala oshikando shotango moka omuleli gongundu nomuleli gwaCuba taya ka kala aantu ye li yaali ya yooloka.
Castro naRaul oya li oyo aaleli yongundu noshilongo pethimbo limwe. Cuba ngashingeyi na yeleke oonkondo dhoka dhi li pokati kongundu naadhoka dhi li li kepangelo. Diaz sho ta ka tula ko aaleli noominista dhe mwene, ota ka kala wo e na oonkondo dhoku ulika kutya oompango otadhi ka dhindwa nokutulwa ngiini miilonga

Omupresidente omupe oku na okutaalela omashongo ogendji
Onkalo yopaliko moCuba otayi shongola, tayi tulwa pevi unene komaludhi giimaliwa ngoka ge li gaali haya longitha ngoka ga li gu undjwa kuFidel Castro mo 1994 sho pwa li tapu ningwa iifuta yaaCuba mboka ya li muupongekwa. Raul Castro ta popi kutya okulumbakanitha mumwe omaludhi giimaliwa mbika itashi vulu we okutegelela.
Ashike okutula mumwe omaludhi ngaka wu ga ninge ashike oludhi lumwe oshinima sha nika oshiponga, tashi vulu oku eta oshilanduli shopamahupilo. Ngaashi iilongo oyindji, Cuba ita vulu oku pula eindilo kehangano ndyoka hali gandja oshimaliwa muuyuni lyoInternational Monetary Fund nenge World Bank oshoka oya li yi ikutha mo momahangano ngaka pethimbo lyekondjelomanguluko.
Diaz-Canel ota ka kala wo ta thiminikwa opo a yumudhe eliko lyaCuba moka e na oku undula oopolohalama ndhoka dha li dha ndulukwa kuRaul Castro.

Castro okwa li a gandja emanguluko opo oongeshefa dhopaumwemwe osho wo ndhoka tadhi zi kiilongo yilwe dhi kuthe ombinga meliko lyaCuba, ashike ngashingeyi oshi li po tashi ende kashona.

Ngele Diaz okwa egululo omiyelo dheliko lyaCuba mbala, nena ota ka kaleka aantu yamwe yomongundu komusinda, ngele okwe ende kashona, ota geyitha mboka ya hala omalunduluko, osho wo oku uvitha nayi aaCuba.
Esipa ekwawo ndyoka lya pumwa okukuthwa pokati koombwa olyo ndyoka lyuuthemba wokupopya nowo ku ulika omaiyuvo goye.
Aantu oyendji ohaya gandja uusama kepangelo pamaludhi gopaintaneta. Omvula ya zi ko, omwa li oshikonga moka aashangi yontumba ya li taya ulwa omalaka omadhigu, shoka sha halutha aantu oyendji sho Diaz a li wo ta yambidhidha oshikonga shika.
Ashike aaCuba yamwe mboka ye shiwike nawa oya li ya tula ombunda moshihwa, noshikonga shika oshe ke ya pehulilo inaapu tulwa nando ogo omakwatathano gopaintanenta omakumba.

Ashike Castro okwa li a poleke omaidhengomumwe ngaka noshikonga she mwene shoka a li a ti itashi endelele unene, ashike itashi kala wo othika. Ye natango okwa mona wo omauwanawa okupitila momukalo guukayamukulwa mongundu.
Diaz-Canal oku na okufoloma po oshili she nuuyuuki we mwene.

Hugunina, Diaz oku na okulonga nepangelo lyaTrump ndyoka lyi li lya gandja iilonga kaaCuba yomoAmerika oyo ya dhinde ooveta dhaCuba. Ongundu ndjika, yi li mewiliko lya Sen. Marco Rubio, ngoka e li mongundu yoRepulican moFlorida, oya gandja uusama kuBarack Obama sho a li a yumudha ekwatathano pokati kaCuba na-USA.

Nonando Trump a li a popi kutya ota kaleke oveta ndjika, natango ine shi ninga.
MuKotomba, Trump okwa li a yi moshipala ekwatathano pokati kaCuba na-USA sho a li a shunitha pevi omwaalu gwaanambelewa mboka ye li mombelewa yokukalela po USA, molwaashoka ya li taya ngongota uuwehame wontumba. Okwa li wo a tsu olukaku aakalelipo yaCuba ye li omu-17, mboka ya li moWashington.

Aantu mboka ye li taya tulwa miilonga kuTrump omasiku ngaka otashi ulike ethano ewinayi konakuyiwa pokati ka-USA naCuba. Ngoka kwa tegelelwa a ka ninge Amushanga goshilongo, Mike Pompeo, okwa li wo gumwe gomwaamboka ya li ompinge naObama sho a li a yumudha omakwatathano naCuba. Osho wo John Bolton, ngoka e li omugandjimayele miinima yi na sha negameno, pompito yimwe okwa li a ula Cuba kutya oye ondombe yuusatana, noku li ta nduluka iilwitho yontumba yopaushitwe.

Etegameno nuumbanda
MuDesemba, onda li koHavana, oshilando moka iiyimati yomalunduluko gopaliko ga ningwa kuFidel Castro tayi vulu okugumwa. AaCuba mboka nda popya nayo otaya uvika ya fa yi ilongedhila elelo enyasha osho wo egandjo lyoshipundi.

Ashike oopelesenda 80 dhAacuba onkee dhi li dha kala naCastro onga oye omupresidente gwawo. Onkene etegelo lyawo oli na po wo ngaa okaumbanda kontumba. Aantu oye na okaumbanda kutya elunduluko ndika pamwe otali ka eta ekuyunguto.

Ngele Diaz okwa eta eliko kondjila, nena aaCuba oyendji otaye ke mu tala ko onga omusindani. Ashike ngele hasho, ota ka kala a palamena aantu yaa uvitile nawa elunduluko ndika.

● William M. LeoGrande omuprofesa gwepangelo koUnivesiti yaAmerika

LEAVE A REPLY

Please enter your comment!
Please enter your name here