Oteya a hulitha oondjimbo dhe poChopsis nomainyanyudho ga kwata miiti

0
546

Pinehas Nakaziko
OVENDUKA

Daphne Willibard, a tseyika nawa nedhina Oteya okwa li a shaina euvathanotsokumwe nehala ndyoka lyomanwino moshilando lyedhina Chopsis oku imba kehe uusiku wEtitatu pehala olyo tuu ndika.

Omainyanyudho ngaka gahugunina okwa li ga nana engathithi lyaatali naainyanyudhi oyendji, mboka ya li yaholoka opo ya nyakukwe pamwe naOteya moshiindingili osho shika.

Muule woomwedhi adhihe ndhika ndatu Oteya a kala netsokumwe ndika okwa kala noku ithana ookume ke opo ya imbe pamwe naye, moka a tamekele na KP Illest.

Oshiwike sha zi ko osho sha li sha hugunnina nagwelulu okwali ti ipelwa. Omainyanyudho ngaka kwa li kamana kandongo, aaimbi mboka opo taye ya ngaashi Lioness, Meta, House Guru Gang oya li ya imbi nokunyanyudha aatali mboka ya li ya holoka poshiindingili osho tuu shika, noongalo dhawo ndhoka oombwaanawa lela.

Lioness oye a li dhingi sho a li a imbi ongalo ye Dream, ndjoka ya li ya nyanyudha oyendji, noondigolo okwa li ashike tadhi uvikila mombanda. Oteya okwa li a imbi oongalo dhe oompe noonkulu, naandhoka ya imba pamwe naFreeida ethimbo ya li haya ithanwa Gal Level.
House Guru Gang nayo oya li ishewe yi ikutha kohi sho ya ndaanisa noku imba ongalo yawo Maria Nepembe.

Suleiman Kyababa ngoka e li omukwatelikomeho gwoongalo dhaOteya okwa ti  etso kumwe ndika noChopsis okwa li ashike etameko lyiinima iiwanawa noshindji okuza kombinga yaOteya omvula ndjika. Okwa gwedha po ta ti ehangano lyaOteya oli li tali koko noonkondo, noya hala okukala taya eta po iiningwanima ya yoolokathana, opo kaaya shunithe pevi oongalo dhe.

Oteya ta imbi pethimbo a li ta patitha eshaino lyawo lyuule woomwedhi ndatu nehala lyomwaninwo lyoChopsis oku imba pehala ndika kehe uusiku wEtitatu.
 

LEAVE A REPLY

Please enter your comment!
Please enter your name here