Pakkala Ashipala oye Miss Okahao 2018

0
300

Shipi Elago
OKAHAO

Pakkala Ashipala olyo ethamba dhingi mondoolopa yaKahao konima sho a li a dhenge mo uunangula uukwawo Etitano lya za ko poshinyanga shaShaanika Nashilongo.

Ethigathano ndyoka lya li lya tula mo ombiliki konyala uule womimvo hetatu sho lya li lya galukile mondambo Etitano lya za ko olya li lye etelela uunangula wu li omulongo mboka wa li auhe wa manena mo omeho oshishani shaMiss Okahao 2018.
Uukadhona mbuka auhe owa li shili tau welima wo owa li wo opala kaa ku na we.

Pakkala Ashipala oye a li a nana omayiyuvo gaagandji yiitsa mboka ya li ye mu totha mo onga ethamba dhingi nando ethigathano kalya li epu oshoka uukadhona mbuka owa li auhe tau dhenge oombwa niiyaha.

Hilma Josef okwa li a kutha po ehala lyuPrincess wotango omanga Saara Shipuata a li a kutha po ehala lyuPrincess uutiyali.
Yvonne Tjongarero okwa li a toola po oshihani sha Miss Photogenic moka a li a hogololwa kaakwashigwana okupitila kepandja lyoFacebook.

Nelly Frans okwa li a hogololwa kuunangula uukwawo mboka a li ta thigathana po nawo onge Miss Personality.
Victoria Haihambo ngoka e li omutse gwokangunduwiliki kethigathano ndika okwa li a holola kutya uudhano mbuka otawu kala ko kehe omumvo.

Miss Okahao 2018 okwa li a kwashilipalekwa kongeshefa yElago Lyandje Holding onge omukwashilipaleki omunene noongesefa dhilwe mOkahao noondoolopa dhopopepi.

LEAVE A REPLY

Please enter your comment!
Please enter your name here