Taku kongwa ethamba dhingi mOndangwa

0
30

Pinehas Nakaziko
OVENDUKA

Ethigathano lyokukondjela oshishani shaMiss Ondangwa Trade & Industrial Exhibition (OTIE) kuukadhona dhingi moshilongo ashihe otali ka ningwa mOndangwa momasiku ga-5 gaMai .

Oshiindingili shika osha etwa po kehangano lyoDa Silva Marketing, ndyoka tali hiya opo uukadhona awuhe mboka wu na ohokwe yoku ka kutha ombinga methigathano olyo tuu ndika opo wu kale wi ishangitha omanga omasiku 17 Apilili inaaga adha.

Mwene gwehangano lyoDa Silva Marketing, Success Da Silva okwa ti omalongekidho oge li metifa, noya hala opo uukadhona mboka wu li pokati koomvula 17-26, okuza moshilongo ashihe opo wu kale wi inyolitha.

Okwa gwedha po ta ti Miss OTIE nuumvo ota ka kala a dhenga mbanda, shi vulithe oomvula dha za ko. Ehogololo lyuukadhona mbuka otali ka ningwa muApilili 2018, nuukadhona 10 otau ka hogololwa. Da Silva okwa ti poshiindingili shika otapu ka kala omainyanyudho ga kwata miiti, mwa kwatelwa omathigathano ga yoolokathana. Omusindani oye ta ka kala omukalelipo gwa OTIE uule womvula ayihe, nota ka sindana oshindji.

Otaya indile ishewe aanangeshefa mboka ye shi gamena mOndangwa opo ya kambadhale opo ye ya yambidhidhe, nokuyakwathela sigo oompoka taya vulu.

Kumboka ye na ohokwe yokukutha ombinga mehogololo ndika oofoloma otadhi ka adhika k email yaDa Silva: successdasilva@gmail.com notayi ka pula oodola dhaNamibia 50.

LEAVE A REPLY

Please enter your comment!
Please enter your name here