Xi Jinping gwaChina ta koleke uukuume we nomuleli gwaKorea Shokuumbangalantu

0
19

China okwa popya mEtitatu ndika ta ti North Korea okwa zimina opo a ethe po okukala niilwitho yolute konima sho omuleli gwaSouth Korea, Kim Yong Un a li a yi moshigongi nomupresidente gwaKiina Xi Jinping, Kiina ta popi kutya naye wo oku li ta ka kaleka po uukuume we naNorth Korea.

Konima sho kwa li taku finyaafinywa uule womasiku ge li gaali, Kiina okwa tseyitha mEtitatu kutya Kim okwa li a telele po Beinjing nokukundathana naXi. Nonande ongawo, okuza mosoondaha sigo ometitatu, oshikundaneki shopambelewa shoXianhua osha kala nokupopya kutya etalelopo ndika kali shi lyopambelewa.

Etalelopo ndika olyo lyotango lyaKim okutalela po kondje yoshilongo konima sho a yi koshipundndi momumvo 2011, netalelopo ndika olya talika kaanawino oyendji kutya Korea oti iyupikile iigongi ye naSouth Korea osho wo United States.

Beinjing okwa kala kuume kaNorth Korea, ashike uukumwe wawo owa shongola kashona sho North Korea a kala a dhamatela iilwitho yolute, mbyoka ya li ye eta sigo opokantu mpoka a tulilwe po oondjindikila kIigwanahano.

Onzonkunda yoXinhua otayi lopota kutya onkalo moKorea otayi ende tayi nawapala omolwa North Korea ngoka a ningi lela onkambadhala yokuteya po omaudhigu osho wo a li a katuka onkatu yoku eta po omapopyo ge na sha nekalekepo lyombili.

“Tse otwi itula mo itatu tengaatenga opo moKorea mu kale mwa kuthwa iilwitho yolute, shoka wo osho sha li ehalo lyaPresidente Kim 11 Sung osho wo ngoka a li amushangandjayi, Kim Jong 11,” Kim Yong Un ta ti, shi ikwtelela konzonkundana yaXinhua.
Ta tshikile ko wo ta ti North Korea okwa pyakudhukwa okuya moonkundathana na-USA.

Omuleli gwaNorth Korea, Kim Jong Un, okwa tokola oku egeka iilwitho yolute nokwa pyakudhukwa okuya moonkundana naanambelewa ya-USA koshigongi shopandjokonona shoka ya li ye na nomupresidente gwaKiina Xi Jinping.

“Oshikumungu shoku egeka iilwithyo yolute otashi vulu okukandulwa po nuupu, ngele South Korea naNorth Korea oya yamukula pamukalo omwaanawa, osho wo oku eta po ombepo yombili nengungumano ompanga taku kuthwa oonkatu ndhoka tadhi eta po onkalo yombili,” Kim ta ti ngaaka.

Xi ta lombwele wo Kim kutya oombinga adhihe mbali odha kala noku endulula nkene uukuume wawo wu na okukalekwa po, osho wo okuhumithwa komeho.

“Ehogololo ndika oli li ehogololo lyoondunge, lyo olyo ashike ehogololo li li mondjila koombinga adhihe ngele otashi ikwatelele pandjokonona nopaushili, osho wo ekwatahano lyawo lyopaigwana ngele otashi ya kuNorth Korea naKiina.. Shika inashi noitashi ka lunduluka nande omolwa oshiningwanima shontumba noshongandi tashi ka holoka pethimbo lyontumba,” Xi ta ti.

Xinhua okwa li a pititha efano lyaKim naXi taya minikathana komeho gomapandela giilongo yawo. Okwa kala kuniwe omafekelo kutya Kim otashi vulika a ka talele po Beinjing oshiwike shike, konima sho eshina lyokolutenda lya fa ndyoka lya li hali longithwa kuhe lya li lya monika moshilandopangelo shaKiina, osho wo omahauto ogendji naanambelewa oyendji ye lile po egameno.

Onzonkundana yaSouth Korea, Yonhap , tayi popi wo kutya Xi okwa zimina ehiyo lya zi kuKim opo a ka talele po North Korea konahiya. Omunambelewa gumwe omukuluntu gwaSouth Korea ta ti okuhwepopaleka ekwatathano pokati kaNorth Korea naKiina ethano ewanawa komitumba ndhoka dha tegelelwa pokati kooKorea yaali naAmerika.

Momumvo 200o, komeho gwomutumba gwa li pokati kooKorea yaali, He ya Kim Jong Un, Kim Jong Un 11, okwa li wo a talele po ngoka a li pethimbo ndyoka omupresidente gwa Kiina, Jiang Zemi. Etalelopo ndyoka olya li lya talika ko onga ethindilomo lyekwatathano lyawo naKiina.

LEAVE A REPLY

Please enter your comment!
Please enter your name here