Iigwanahangano tayi kondjitha oku pa omukithi olukaku muAfrica

0
51

Konyala aantu ye li obiliona yimwe otaya ka kala ya tuntilwa nelalakano ku keelelwe omukithi gwedhina Yellow Fever miilongo yi li 27 mbyoka yi li kuunyegenye mokutukuka omukithi nguka, shika otashi ka ningwa manga omumvo 2026 inagu thika, tashi ningwa neyambidhidho lyEhangano Lyuundjolowele Muuyuni (WHO), ehangano lyokukwatakanitha omatuntilo lyedhina Gavi, Oshiketha shIigwanahangano shi na sha nElongo Lyaanona (UNICEF) osho wo ookuume yopaundjolowele ye li 50.

Eitulemo ndika miilonga oli li oshitopolwa shoshikonga shokudhima po omukithi goyellow Fever moAfrica, shoka sha li sha egululwa pambelewa komundohotola Tedros Adhanom Ghebreyesus ngoka e li omuwilikindjayi gwo-WHO, Omupolofesa Folorunso Adewole, ngoka e li Ominista yUundjolowele yaNigeria osho woo ookuume muundjolowele shoka sha li sha ningwa pethimbo lyoshigongi shopashitopolwa moAbudja, Nigeria mEtiyali lyomasiku 10 April 2018.

“Uuyuni owu li wa taalela omatukuko ogendji gomukithi nguka goYellow Fever naAfrica oye unene e li moshiponga shika. “Netuntilo ashike limwe, otatu vulu okukala twa keelela omuntu komukithi nguka uule wonkalamwenyo ye ayihe, eitulemo ndika okukondjitha omukithi nguka otali kwashilipaleke kutya Africa ota ka adhika a dhenga po omukithi nguka momumvo 2026.”

Muule womasiku ngaka gatatu gokundungikathana nokutula miilonga oshikonga shika, aakalelipo ya za miilongo yaAfrica ya simana moshikonga muka, WHO, UNICEF, Gavi, osho wo ookuume kalwe otaya nduluka po omukalo nondjila ndjoka ye na oku enda opo ya andjagakaneke oshikonga shika pamuthika gopailongo. Onkambadhala yetulomiilonga ndika olya landula ekwashilipaleko lyomukalondunge kooMinista dhuundjolowele dhAfrica koshigongi oshi-67 sho-WHO sha li ko muSepetemba 2017.

“Omukalondunge nguka gomuule otagu gandja ompito opo ku hulithwe po omikithi ndhika dha nika oshiponga dhoYellow Fever ndhoka dhi na mo olunyala muAfrica,” Omundohotola Seth Berkley, ngoka e li omukuluntu gwoGavi ta ti. “Okukwashilipaleka kutya mboka ya taalelwa komukithi nguka otaya mono omatuntilo oshinima sha simana.“

UNICEF ota ka kwashilipaleka kutya omiti dhokutuntila opo dhi li, ta ka pula wo omapangelo gi ki itule mo osho wo okugandja omayambidhidho lyopapolitika opo uunona wu tuntilwe omathimbo nomathimbo, osho wo uuna kwa tukuka omukithi nguka.

“Ngashingeyi oshikogo shomukithi goYellow Fever oshe tu taalela, unene tuu uunona omayovi muAfrica,” Stefan Peterson, omukuluntu guundjolowele gwaUNICEF ta ti ngaaka. “ Omolwetompelo ndika kutya uunona owundji mboka tawu ka tuntilwa ou li kohi yoomvula 15, oshikonga shika osha simana mokuhupitha oomwenyo dhuunona, notashi ka pula ondjila onde opo ku nyanyagulwe po omukithi nguka.”

Brazil oku li monkugo yi na onkambe sho a tukukilwa komukithi nguka moka aantu ye li 1000 taku hokololwa kutya oya monika ye na omukithi goYellow Fever. Omayinyengo gaantu okuza kuushayi taya yi koondoolopa osho wo eindjipalo lyoomwe molwa elunduluko lyonkalo yombepo oyo yimwe yomomatompelo moondoolopa namo tamu tukuka omikithi ndika.

Oonzo okuzilila muuninginino WaAfrica otadhi ulike kutya omukalondunge go-EYE otagu vulu okulonga. Momumvo 200 sho oYellow fever ya li ya galukile moshigwana, iilongo moshitopolwa muka oya li ye gu tula miipandeko niikonga yomatuntilo. Nokuza mpoka, inamu lopotwa we etukuko lyoYellow Fever miilongo mbyoka ya longithile omukalo nguka.

LEAVE A REPLY

Please enter your comment!
Please enter your name here