Omeya ga longwa pamukalo guulingilingi kaaKiina moZambia

0
69

Johannesburg

Omakonaakono gopaumwene ogu ulike nkene okampani yaaKiina yedhina Simuliya taku fekelwa ya kala nokunduluka po omeya gaashi gopaushitwe kaage li pomuthika mokuningila ookampani odhindji dhokutula omeya muumbago moZambia, mokati kadho mwa kwatelwa Aquasavana noAquarite, oshikundaneki shoZambian Observer tashi lopota ngaaka.

Onkundana onkwawo ya gwedhwa po otayi ti kutya ongundu yaapolisi yontumba oya li wo ya ningi onkembadhadhala yokuholeka oshiningwanima shika.

Omupopiliko gwepangelo omukuluntu Dora Siliya okwa ti ngele oya monika ondjo, aakwashigwana mbaka yaKiina otaya ka pulwa ya thige po oshilongo mbala.

MEtitano, omathano gomizizimbe ga li ga tulwa koshitaasi shoNew Diggers koYouTube oga li gu ulike aapolisi yomoKanyama taya mbolokotele momatungo gofaabulika yokutula iilongomwa muundini moshilandopangelo Lusaka moka tamu popiwa omo mwa kala nokulongela aakwashigwana mbaka yaaKiina.

Pethimbo ya yi metungo muka, omulumentu gumwe okwa li a ningi onkembadhala yokukeelela omunambelewa gwopolisi gokoshikondo shoka hashi longo niilikolomwa yopamadhilaadhilo opo kaa thaneke ehala lye mpoka omeya ga li taga hikwa okuza moshilambo shi li popepi okupitila kokapomba.

“Uundini womeya ogendji wu na iihako nomandhidhiliko gi ili nogi ili owa li wa adhika mehala lyomapungulilo naakwanezimo yaLiu osho wo ongundu yaaniilonga aaZambia taya longo ya tula ombunda moshihwa opo ya udhe uundini noku u tsilika moololi opo u andjagakanekwe kaalandi ya yooloka moLusaka nomomidhingoloko dhopopepi,” Lusaka Observer ta gandja olopota ndjoka.

Nonando pe na omathano gomuzizimbe taga ulike omeya taga zi melambo taga tulwa muundini okupitila kokapomba, Liu onkene ta ti omeya oga li haga opalekwa nokutulwa pamuthika ngaashi sha uthwa kaalandi ye.

Omundohotola Mohamed El Sahili, ngoka e li omuwiliki gwokampani yoFairy Bottling ndjoka oyo haya longo omeya goAquasavana, ota ti aaKiina ohaya longo iilongomwa pamukalo gokukengelela, moka haya ka toola uundini waa na sha koositola e taya tula mo omeya gawo ngaka kaage li pamuthika.

Konima sho aatamanekwa mbaka ya li ya falwa kosasiona yopolisi, aanambelewa yamwe aakuluntu kosasiona yopolisi yaKanyama oya li ya ningi onkambadhala yokufudhila po nokuholeka uulingilingi mbuka, Sahili ta ti.

Omulumentu gumwe ngoka a li ta ti oye Omuplesidente gwEhangano Lyaanangeshefa aaZambia naaKiina okwa li e ya posasiona nokwa lombwele aakuluntu yopolisi kutya ehangano lye olya gandja omagano ogendji kopolisi yaKanyama.

Omunambelewa gumwe omukuluntu gwopolisi okwa li a kunkilile kutya ngele oya tsikile noshinima shika otashi vulika shi tule onkalo yongeshefa yaAquasavana moshiponga.

Ehangano lyokukwashilipaleka ongushu yiinima moZambia olya li lya kutha iiholelwa yimwe yomeya opo ya vule okukaninga omakonaakono. Elombwelo lyokuthiga po oshilongo nalyo otashi vulika lyi landule ko. – African News Agency/ANA

LEAVE A REPLY

Please enter your comment!
Please enter your name here