Peni: Epic Cinema moMarula Mall mOngwediva Uunake: Taka tameke oku ulikwa okuza mo 13 Okatekete otaka kotha: N$50

0
15

Komutoolinkundana
OVENDUKA

Oshinyandwa shika tashi ithanwa Acrimony, shoka tashi ti onkalo yongeyo. Okandulukwa po kuTyler Perry, oye e ka shanga ye ishewe oye a gandja omapukululo nkene taka nyandwa. Tyler Perry oye wo e tu pele iinyandwa mbyoka tayi popi kombinga yonkalo yaaluudhe ngaashi Madea’s Family Re-union, Why did I get Married osho wo Diary of a Mad Black Woman. Onkene iinyandwa ye ohayi landulwa kaantu oyendji unene tuu aAfrica.

Oshinyandwa shika oshipe otashi kwandjangele nonkalamwenyo yomulumentu gwedhina Robert Gayle ngoka a li a tameke okumonathana nakuume ke gwethimbo ele Melinda. Ashike Robert ekatalume na ka li ha vulu iilonga. Manga inaya hokanathana, Robert okwa kala nokulya mondjato yaMelinda.

. Yina ya Melinda sho a thanga uuzilo, Robert okwa li a lombwele noku uvitha ko Melinda a longithe oshimaliwa shuuthiga wayina e mu landele oshitukutuku. Okwe mu lombwele kutya oku na ompumbwe yosheenditho. Okwa pula Melinda e mu futile enongelo lye, ashike okwa kala e li mukwawo kohi nokuya naakadhona yalwe.

Melinda okwa kala noku mu dhimina po aluhe, sigo taya hokanathana. Ashike konima sho ya hokanathana, Robert ina mona iilonga, molwaashoka okwa li a longo iimbuluma monkalamwenyo ye. Robert ka li wo a hala okulonga oshoka okwa li e uvite kutya ye omunangeshefa. Okwa li ashike ta lala oondjodhi dhokumona omuntu ngoka ta landa po omadhilaadhilo ge goongeshefa, ye a ninge ngeno oshipuna muule wuusiku wumwe awuke. Edhilaadhilo lye lyongeshefa olya li kombinga yoopatilii dhoohauto. Ashike inashi yela mo nawa kutya oludhi luni lomamanya goohauto, nolya kala ashike li li momutse nomomadhilaadhilo ge mwene. Pethimbo ndyoka, Robert ota hupu moshimaliwa shokomwedhi shaMelinda. Melinda okwa li ha futu egumbo, ta kutha omikuli kombaanga opo ayehe yaali ya vule okulya nokugwanitha po oompumbwe dhawo.

Omumwayinakadhona gwa Melinda gumwe okwa li a pe Robert iilonga, mbyoka ali e yi kanitha mepathimo lyeho. Okwa kala a hala okulonga nedhilaadhilo lye lyongeshefa. Sho a mono oshimaliwa sha kola shokunduluka po ongeshefa ye, Robert ina futa oondjo dhawo, okwa yi ashike moondaanisa naakadhona yalwe.

Melinda sho a lulilwa, okwa tameke okudhilaadhila okuhengana. Ashike okuhengana oshinima oshidhigu kuye aluhe uuna ti ipula kutya okwa gana muuwanawa nomuuwinayi nonando Robert a li a teya po onkalamwenyo ye ngawo nokudhadhaputa po iimaliwa ye. Melinda a ka lulililwa ngaa nee e ta henge Robert. Robert okwa ninga oshimaliwa oshindji konima sho ya hengana, nokonima sho Melinda a li a kanitha egumbo lye, naMelinda okwa li ta mbwindi moongunga. Ashike osho ngaa shi na okukala ngawo? Onkene etokolo lya li po oku kutha ashike omatokolo ga nika iikonene.

Aavali oya pumbwa oku uva ko kutya oshinyanydwa shika oshi na elaka itaali opalele oondjepunda, osho wo omathano gaantu ye li omudhu.

LEAVE A REPLY

Please enter your comment!
Please enter your name here