Aahikingalo ya totela omagongo iiyimbo

0
15

Omanyakwa ngoka ga yambuka moshitunda shUukwaluudhi osho ga toto omayimbilo ngoka taga tanga oshituthi shomagongo shoka sha tegelelwa oku ka dhanenwa moshitunda shoka omwedhi twa taalela. Omayimbilo ngoka ga li taga nywitha omakutsi pethimbo lyohungi ndjoka ya unganekwa owina nelalakano lyokugongela oshimaliwa shoshituthi shoka oga li ga hikwa nduno kaadhani yoongalo aapeepeka mboka ya li ya kwatelwa komeho komudhaningalo omukulu D-naff. Omayimbilo ngoka otaga imbwa momukalo ngoka taga ithana aantu opo ya ye koshituthi shoka. “Ileni tu yeni komagongo, koshitunda shUukwaluudhi, oshitunda shatatekulu Hosea Shikongo Taapopi, Ileni! Ileni,” omaimbilo ngoka osho taga tangumuna. Omayimbilo ngaka oge li gaali notaga tumbula iityahokithi mbyoka tayi vulu okuhila aaholi yomuthigululwakalo ya kale inaya hunutha okuya ya kanwe nokutyapula oshituthi shoka. Oshituthi shika nuumvo otashi dhanwa momasiku sho taga ka kala 26 Mai kUukwaluudhi noondjila adhihe otadhi ka taalela hoka pethimbo ndyoka, osho iiyimbo yaahikingalo mboka ya tongomona. Iiyimbo oyo tuu mbyoka oya ithana aashiinda onga esipa lyothingo opo ya ka tyapule enyanyu ndyoka.

LEAVE A REPLY

Please enter your comment!
Please enter your name here