Ekanda lyi li miipandeko sho lya lala gwamululu

0
83

Victoria Kaapanda

OSHAKATI-Omukalimo gomomukunda Oshipumbu Shomugongo moshikandjohogololo shaShana okwa adhikilila ta lala ondoongi omasiku sho ga li 16 Apiilili 2018. Omulumentu nguka edhina lye oli shiwike kuKundana noku li miikaha yopolisi. Okwa tegelelwa a ka holoke mompangu momasiku ngaka ta galandula.

umwe gomaakalimo yomomudhingoloko okwa hokololele Kundana kutya omasiku ga zi nokutumbulwa, okwa li a tumu mumwayinakadhona a ka kongolole oondongi. Konima ye okwayi komuye ngoka gu li mepya lyegumbo lyawo a ka monithe oombe oshiponga.

Okwa li ethimbo lyetango tali ka pa oyana. Inapu pita ethimbo ele, manga a li i ipyakidhila nokulyaoombe dhe, ohaluka okwa mono omumati gontumba ta ende u uka moshigunda shaandjawo ti igwegwenyene kiiti yoshigunda. Okwa li a konenene kutya ekanda ndika kali shi nando lyaandjawo, onkene a kutha etokolo opo i inyowele koshigunda, hoka oko nduno a adha iipwe niikumithalonga, sho a adha omulumentu nguka ta longitha ondoongi uupaagani.

Okwe mu adha e li miilonga nondoongi. Sho a ka tala konima okwa mono omumati ngoka gomegumbo e ta mangulula uukwana we.
“Onde mu tidha sigo nde mu kwata, okwa tameke ta pe ndje ombili. Onde mu pula kutya oto pelele ndje shike ombili, owa ninga shike? Ila wu ka hokololele meme sho wa ningi,” Omunegumbo ta ti.

Otaku hokololwa aniwa a li a fa a hala okutinda, ashike okwe mu kondjitha sigo omegumbo lyaandjawo a ka gandje ehokololo. Taku hokololwa kutya ina ipatana nando nehokololo okwe li gandja lyi li ngaashi li li, nokwa zimina kutya okwa adhikilila e li miihulo noondongi.

LEAVE A REPLY

Please enter your comment!
Please enter your name here