Omusati gwa manga gwa pama okuya puudhano waanyasha wopashigwana

0
18

Shipi Elago

ONGWEDIVA-Oshitopolwa shaMusati oshi li sha manga sha pama komeho guudhano waanyasha mboka wa longekidhwa koKomissi yomauudhano moshilongo mboka ngashiingeyi wu shiwike nokokadhila.

Shipena Nakalondo gumwe gwomosheendo shoka tashi zi kOmusati sha thinda koKhomas okwa li a holola kutya oye li ya longekidha oosipana hamano dhomaudhano ga yooloka moka mwa kwatelwa uudhano woongonyo moka ye na aadhengingonyo ye li yahetatu, osipana yokatanga kokoompadhi, okatanga komokambamba, Volleyball, Basketball, noAthletika.

Okwa ti oye li nale ya totha mo aadhani mboka taya ka kutha ombinga momaudhano ga yooloka noye li ashike ya tegelela oosikola dhi mane omakonaakono opo ya ka tameke nomayidheulo moka a ti oye li ye na omasiku ga ngambekwa oshoka oosikola sho tadhi ka fudha moshiwike twa thinda otaya kala owala ye na omasiku ge li gane omanga inaya ka ya mela lyondjila okuya kOmukuto gwaKaishela hoka taku ka kala uudhano mbuka.

Kalondo okwa li a holola kutya kasha li oshipu okutula kumwe oosipana ndhika hamano, unene tuu sho oshitopolwa shaMusati okuza koRuacana sigo okOkalongo, Etilyasa sigo okOkahao noTsandi nolundji otwa li twa longitha oonzo dhetu opo tu wape okuthika komahala ogendji molwa ohole yomaudhano.

Okwa ti Ngoloneya gwoshitopolwa shaMusati oku li e ya pa etimumwaumbwile kutya otaya ke ya pa eyambidhidho onkene oku li u uvite kutya etumwaumbwile oili vule ekuta onkene oye na eyinekelo kutya ayihe otayi ka enda nawa.

“Oshitopolwa shetu oshi na ashike uudhigu unene tuu woosipana dhoka kadhi na iikutu unene tuu Basketball, Volleyball , Athletika nosho wo aadhengingonyo, na otu li mekwatathano nombelewa yaNgoloneya nota tu tala ngele ota ku tu zile ekwatho.
Oshitopolwa shaShana oshi li wo metifa noshi li wo sha tegelela aanasikola opo ya mane omakonaakono nayo opo ya tameke okuya momalongekidho ashike Mwiita Sikop ngoka e li omunashipundi gwokangundu komaudhano mOshana okwa ti oosipana adhihe odhi li pehala, ashike ka li ta vulu oku tu pa uuyelele wothaatha kutya otaya ka fala oosipana ngapi.

LEAVE A REPLY

Please enter your comment!
Please enter your name here