Onkalo ye mu thiminike a imbe ongalo yedhina “Onkalo Ondhigu”

0
14

Maria Namupala

OSHAANGO-Omolwonkalo ondhigu ndjoka a kala a taalela pamwe naakwanezimo ye konima yoomvula dha piti, Festus Hafeni David a tseyika nawa nedhina Bazzuka Namzee okwa li a tokola opo a pitithe oalbuma ye nuumvo, ndjoka tayi ithanwa Onkalo Ondhigu.
Omunamimvo 24 okwa yambukile momukunda Oshaango nokwa tokola a pitithe kamwe komuungalo we mboka tawu adhika moalbuma ye Onkalo Ondhigu. Okwa holola kutya oalbuma ye oya thanekwa yi pite kuyele nuumvo.

“Onda pititha okangalo kandje kamwe komoalbuma yandje yo 2018, otaka ithanwa Onda Fimana, onda tameka okuhika oongalo mo 2012 manga ndi li koshiputudhilo shuungomba shaNIMT koArandis,” ta ti ngaaka.

Okwa pititha o album ye yotango omvula ya zi ko 2017 yedhina “New happiness World”:moka mu na uungalo wushiwike nawa VALOMBWELENI nOLUHEPO. Okwa ti petameko lyomvula ndjino molwonkalo okwa kwatwa komadhiladhilo opo i imbe oongalo dhi na omatumwalaka taga tungu.
Shoka ta ti oshe mu thiminike sigo ta toto po okangalo kedhina ONDA FIMANA, .

Okangalo hano Onda Fimana” ota ka hokolola nkene omuntu e na ongushu kombanda yevi manga e li momwenyo.
“Tango onda li noku ipula konima nkene aamwamememati yatatu mboka kwa li y alandula ndje mombunda ya hulitha nale manga twa li aashona pamwe natate meso lyiipundjamenye, Ihe ngame onda hupu po, onda kala nomaipulo kutya omolwashike nangaye inandi ya naamwameme, ihe onda ka mona po eyamukulo kutya nani “onada fimana” kombanda yevi,” ta gwedha po ngaaka.

Omuhikingalo nguka ta gwedha po kutya Omuwa okwe mu pitika a mane osikola ye oshowo eilongo lye lyopombanda, nongashingeyi oti ilongele kuye mwene, ta ti kakele kokwiimba oongalo oku li e na ehangano lye mwene lyomatungo, nongele a mana iilonga ye yesiku oha ka kwatitha uungalo we mboka ha shanga nokwiimba kuye mwene.

Okwa ti okwa pewa oshipewa sho ku imba, nokwa tokola e shi longithe manga e na ompito nethimbo lya gwana, ta yelitha kutya okangalo hoka otaka hokolola kutya kehe omuntu okwa simana ,tse tu simaneke oomeme oyo ye tu eta kombanda yevi.
Mokangalo otamu kumagidhwa auntu yaadhipagathane shaashi kehe owala omuntu okwa simana mezimo, momukunda; nomoshilongo nosho wo muuyuni. Tamu kumagidhwa aantu yaaha lye omaupule oshoka pamukalo ngoka omuntu okwa fa ashike ti ikondjithile oshikulya inee shi panda nokonima te ke shi galulako.

“Onda dhiladhila opo ndika thanekithe ovidio ongalo ndjika mo 29 April mOndangwa nokOshaango, Onkalo Ondhigu oya longa ndje oondunge opo ndi vule oku imba oongalo dhi na omatumwalaka moka uungalo uheyali wa pwa nale moalbum “ONKARO ONDHIGU”2018,
Okwa pandula ayehe haye mu yambidhidha naTate kalunga ngu e li omuwiliki gwaayihe, okwi indile aagundjuka yi ikaleke kokule nomalovu niingangamithi oshoka oyo inima hayi ya imbi okuya komeho, tayi ya teya po notayi ya kutha ongushu.

LEAVE A REPLY

Please enter your comment!
Please enter your name here