Oosipana dhomaudhano dha thigathana po

0
22

Maria Namupala

OLUNO-Oosipana dhomaudhano dha yooloka odha kutha ombinga muudhano wetanga lyomokambamba lyaakadhona oshowo etanga lyokoompadhi ehulilo shiwike lya piti, sha ningilwa pokapale komaudhano kosekundeskola yAndimba mOluno.

Oshinyangadhalwa shika shomaudhano osha li sha longekidhwa kaagundjuka yomoshitayingerki shaAuala mongerki ya-ELCIN sha ningwa oshikando shotango, wa li wa tameke momasiku 30 Maalitsa- 01 Apiilili, oya li woo ya longekidha oshinyangadhalwa shokunyanyukilwa pamwe ongaa agundjuka ya-ELCIN.

Omuwiliki gwaagundjuka moshitayingerki moka Esther Sakaria okwa yelitha kutya iinyangadhalwa mbyoka oya li ya longekidhwa nomalalakano ga yooloka, moka a ti lyotango okugandja ompito kaagundjuka mboka ye na ohokwe yomaudhano ya kuthe ombinga, nokuya galulila pekota lyomushigakano gwaJesus.

“Limwe lyomomalakano ngoka ge tu thiminike tu longekidhe oshinyangadhalwa shika okugongelela oshiketha shetu, nokweeta aagundjuka yaza komagongalo ga yooloka ya nyanyukilwe pamwe, nokuulika uunyakwa wawo momaudhano goludhi kehe,” Sakaria tati.
Oonekandangala lyombandje oya kutha ombinga muudhano wetanga lyokoompadhi mono oosipana omugoyi dha thigathanapo omanga, ootaliwashele ya kutha ombinga muudhano wetanga lyomokambamba moka mwa kuthwa owala ombinga koosipana mbali.

Sakaria ta gwedhapo kutya okulongela Kalunga kakushi ashike okwiimba omaimbilo, nokuya ketungo lyongerki, Ihe ota vulu okulongelwa momikalo dhayooloka, moka tati omaudhano shimwe shomo mikalo dnokulongela Kalunga, Egalikano petameko lyuudhano nopehuulilo woo.
Aagundjuka oyali ya mono ompinto yokupopya nenge yokukundathana kiinima ya pamba onkalamweyo pangundu, nokutungathana ya kale ya kola meitaalo, nokulonga ashihe shoka shuuka noshili pahalo lyaKalunga.

Osipana yetanga lyokoompadhi yo Goggle FC yazile megongalo lyaNguta oya sindanapo uudhano mbuka, noya pewa ekopi, noshimaliwa shooN$ 1500, Oshitutuma sheya puutiyali nosha pewa N$ 700 omanga Oniipa yeetelele okano noya pewa N$ 500.
Muudhano wetanga lyomokambamaba osipana yongundu yOlwiimbo yaMegameno oya sindana noya pewa oshimaliwa shooN$ 700, omanga aagundjuka megongalo lyaNguta yeya puutiyali noya pewa oshimaliwa shooN$ 500.

Omuwiliki gwaagundjuka tati uudhano awuhe oweenda nawa nowali mombepo ombwaanawa yetungathano, okwa uvaneke kutya otaya kala taya longekidha omaudhano ngaka omumvo kehe, nokuhanganitha aagundjuka aakriste.

Uudhao owali wa hulithwa nelongelokalunga omaandaha ndyoka lya ningilwa pokapale moka aagundjuka yali ya gongala, opo ihe konima kwaka dhanwa edhingoloko lyahugunina lyuudhano. Sakaria okwa holola enyanyu lye tati ando aagundjuka naya tsikile okuholoka piinyangadhalwa ya yooloka unene mbyoka tayi tungu.

LEAVE A REPLY

Please enter your comment!
Please enter your name here