Uuyinekelwa nuuhainekelwa womahokololo gopapolitika

0
21

Johannes Ekuki Shilongo

Eyugo lyevi pethimbo lyuukoloni, ndyoka lye yile noshilanduli shedhipago lyaantu (1904-1908), olye eta aakalimo yamwe ya kanithe oshimpungu shevi shi thike poohekta oomiliyona 94. Shika osha pumbwa etalululo opo ku adhike uuyuuki. Onkene aakwashigwana mboka ya gumwa keyugo lyevi ndika oye na omaiyuvo kutya oSwapo nayo oyi li ashike omukolonyeki omupe ya landula epangelo lyokatongotongo, noya ndjika oonyala mevi opo yi tsikile nokukoleka shoka sha thigwa po koOdendaal Plan Commission. Uukoloni owa guma aantu sha yooloka kombinga yuumbugantu womusinda omutiligane. Ekondjelomanguluko lyaNamibia olya li lya kwatelwa komeho kehangano ndyoka li na onkwa nonkalonawa yaakalimo yomuumbangalantu woshilongo. Sho osho wu wete aakalimo yamwe mboka ya monithwa iihuna, ya kuthwa evi, osho wo emonitho lyiihuna kaakolonyeki ye uvite ngashingeyi kutya oya tulwa pomutenya kepangelo ndyoka lye eta emanguluko.
Ehokololo lyoSwapo kombinga yemanguluko olyi li olwaamambinga, ano tali popile aantu yokuumbangalantu woshilongo, na itali popile aaNamibia ayehe. Ashike ehokololo ndika lyokuumbangalantu olya talika ko onga olyo ehokololo lya thikamena po ondjokonona ayihe yaNamibia. Ehohololo ndika lyopapolitika, ndyoka tali tumbalekwa kepangelo, otali vulu oku eta omahilathano gopamihoko momudhingoloko gwetu moka mu na aantu ya yoolokathana, ngaashi naana tashi popiwa muMarx moka tamu popiwa ehilathano lyopamuthika dhopamahupilo miigwana yaEuropa. Eyamukulo mokukandula po omahilathano gopamihoko, nonando tashi kumitha ngeyi, olyo okutsika po omahilathano gopapolitika

Ashike ngele tashi ya kaakalimo yomoshilongo yamwe mboka ya thindilwa kongudhi nokukuthwa evi lyawo lyoonekulu, opo ya landule omukalo ngoka gomahilathano, opwa pumbiwa euvitho ko lyopapolitika tali opalele ndyoka olyo lya pumbiwa okutulwa miilonga. Ehokololo lyopambelewa otali ulike ondhino yomihoko dhimwepo ndhoka dha gumwa konkalo yokukuthwa evi lyawo, opo ya vule okukala ye na ewi lyawo yene ngele tashi ya kondjokonona yuukoloni. Onkene oshi li oshinakugwanithwa shaamboka yi itula mo moshinima shetalululo lyevi lyoonekulu opo ya nduluke po ehokololo lyi ili lyondjokonona yaNamibia ndyoka tali pataneke ehekololo ndyoka lyopambelewa, ndyoka lya lunduluka okuza onga oshilongitho shekondjelomanguluko, e tashi ningi oshilongitho shemonitho lyiihuna.
Ondungedhilaadhilothatheko nomukalo tagu landulwa koongundu oompe dhopapolitika ngaashi oLandless People’s Movement (LPM) otagu ningi oshinakugwanithwa shawo shokugandja uuyelele, osho wo okutaandelitha ehokololo ndika, lya tala unene momidhingoloko ndhoka odho dhi li dha gumwa koshinima shika meukililo. Otashi ka ulika kutya uundemokoli waNamibia owa kwatela mo omahilathano gopethimbo lyuukoloni gokombinga yonooli naandjoka yokuumbugantu. Itatu vulu okumanga uukuni kumwe noku iningitha kutya ayihe oyi li nawa, manga omihoko dhimwe tadhi lithwa okapundi ngele tashi ya koshinima shoka shi li oshiyapuki kaantu yawo, ano evi lyawo, osho wo okutaamba ko paushili kutya aantu ayehe oya pumbwa ehala ndyoka taya ithana egumbo lyawo. Natu tungeni Namibia epe kwaayehe, e tatu kaleke manga opolitika opo tu kanduleni po omashongo gopapolitika gonakuziwa.
Johannes Ekuki Shilongo omukalimo mOshakati

Kuye Johannes Ekuki Shilongo,
Nonande otu udite etumba, onga ovaNamibia tava tyapula emanguluko lokupopya eshi va hala, otu wete yoo ina shi yuka no ina shi nyika oshili ngeenge ovanyoli otava nyola oinima iheli mondjila nokuyandja ouyelele wopandjokonona ou he na oukwashili wa wana po, nelalakano oku wapalela omaliudo avo vene.

Fye mokunyayangida oshinyolwa shoye osho nokuli twe shi wapaleka penya naapenya, otuli kondje yediladilo loye olo li he li mondjila olo yali ti kutya ihatu nyayangida oinyolwa yehangano lovanyasha lonhumba.

Oshinima shotete, kokutya Swapo ongudu ashike youkuloni ya twikila noukoloni konima yemanguluko, yo oyo nokuli tai “xumima komesho okakomisi komakanghameno aOdendaal”, oo omadilaadilo oye mwene, oo ehena nande eyambidido louyelele washa.
Oshili oyo iha i hondama otai li tumbula yoo vene okudja tuu komafindano omahoololo oilyo yomutumba wopashiwana noopaupresidende oo a kala haa ningwa okudja mo1990, oo a kala haa findanwa nomawi mahapu. Ovahoololi ova tale ko ongudu yoSwapo onga ongudu youkoloni ngaashi ove u shi wete. Ngeno oSwapo oyali ngaashi ove to dilaadila ngeno ovanhu vahapu ohava hoolola ashike eengudu dikwao dopapolitika moshilongo shaashi moNamibia omu na oudemokoli nakeshe ongudu otai dulu oku hoololwa i pangele. Kashili mondjila, no itashi dulika ku tiwe oikutulwa imwe moNamibia novakalimo vayo oi li moukoloni omolwa omufina mutilyana. Oupika oo oshiwna shaNamibia osha ya muwo nokumona oixuna oyo ya pitila nomaImpelia aGermani, itatu u dimbwa oukoloni wOmuputu oo weke ya fiyo omoukoloni waSouth Africa. Oukoloni owa fiya oshiwana sha Namibia noipute yaya moule oyo natango i talala mboomboo, nosha puka ngeenge umwe te uya a kokole omakoko oipute oyo teshi ningi okupitlila momitoto.

Oshikumungu shedu oshinima shiehama, shitiwa noita yemnguluko loshilongo, oya li inasha nekondjelo ledu. Ashike epangelo nalo ole shi yeleka kutya omukalo woutopolelafana edu otau ka kwata nawa, na itau ka kala nande wa nyika oikolokosha molwaasho Namibia okuli momhepo yediniminafanepo lopashiwana olo la tulilwe moilonga efiku lemanguluko. –Omudindoli

LEAVE A REPLY

Please enter your comment!
Please enter your name here