A kala ethimbo nuule mohole yomambandameko

0
44

Loide Jason

OVENDUKA-“Okwa kambadhala iikando oyindji okudhipaga ndje ihe ngame ohandi pondola shili oku mu kutha iilwitho mbyoka ha kuthile ndje.”

Osho omulumentu gwepipi lyopokati gwokolukanda lwaHavana a popi ngaaka.
Frans Nambinga okwa hokolola ndhika Olyomakaya ga zi ko sho ondunda ye ndjoka ha lala ya tomekwa omundilo oshikando oshitiyali kuwalye, ihe ye oku li ta fekele omukiintu gwe ngoka e na naye okanona oshoka aniwa okwe mu ningila omatilitho ogendji noonkondo noonkambadhala dhedhipago iikando oyindji.

Omukiintu ngoka e shiwike nawa kedhina kuKundana ihe ita tumbulwa oshoka omapyopyo ngaka inaga kolekwa, aniwa oya li ya kala pamwe nomuholike gwe oomvula odhindji ihe aluhe ngele opwe ya okwaatsa kumwe nena shotango ha ningi okukutha oshilwitho opo a lwithe omumati.

“Kehe ashike pwe ya oontamana shotango ha ningi okukutha ombele opo a tse ndje. Ihe olundji ohandi pondola oku mu kutha oshilwitho shoka.”

Ta hokolola kutya okwa kala nokulya ta pi sho a kala mohole nomukadhona gwe ngoka a kala naye mombashu yimwe.
Shoka tashi nyuwitha omakutsi mehokolo ndyoka ooshoka kutya aniwa nduno omukiintu ngoka okwa kala nokuhepeka Nambinga nomalaka noshowo oku mu kuthila uundini womahooli mboka wa kala noku holekwa koshi yiikutu mondjato .

“Onda kala nokuhaluka oshoka omukiintu oye tuu ngoka okwa kala nokulombwela okanona ketu kokamati kutya okwa hala nda sa opo ya tameke okukwata oshimaliwa shoothigwa shoka hashi kwatwa kehe komwedhi. Sho ta lombwele okanona hoka omomakutsi gandje ihe onda li ndi idhidhimike ndaa mu longele iilonga yuushadha,”osho a ti ngaaka.

Okwa ti shoka okwa li she mu kutha momutumba ee ta ka lombwela aakwanezimo ye opo a wape okupewa omayele ngoka tage mu kwathele ina longa nande uushadha washa ngaashi mboka tawu longwa kaalumentu aakwawo moshilongo.

“Okwa li woo nda taalelepo ombelewa yaMonica Gender Violence Solution moka nda li nda pewa ehungomwenyo kugumwe gwoomaanambelewa mboka Philipus Tuhafeni Petrus. Shoka nasho wo osha kwathela ndje mokushunitha ondjahi yandje pevi,” osho a hokolola ngaaka.
Ombelewa ndjoka ya popiwa pombanda ohayi ungaunga aluhe nomahepeko gaalumentu ngoka taye ga ningilwa kaakiintu .
Nanando Nambinga okwa patulula iipotha yi li iyali a patululila ngoka ta fike po ombashu ye onkee nga opolisi ya ti kutya omakonaakono oge li metifa.

LEAVE A REPLY

Please enter your comment!
Please enter your name here