Neslow ota tsikile noku shi enditha nawa moongalo

0
9

Pinehas Nakaziko

Ovenduka-Obed Kambonde ngoka atseyika moongalo nedhina Neslow okwa kala noku imba noku li mehangano lyoongalo oomvula dhi vule pomulongo, mpoka a kala noku imba pamwe naahikingalo ngaashi ML, Exit naMushe, moka ya kala noku imba oongalo ndhoka tadhi hokitha.
Sigo okesiku lyonena, Neslow oku li te shi enditha nawa, noku imba oongalo dhe oombwaanawa newi lye ndyoka lyoshingoli.

Neslow ngoka ha imbi oongalo dhoAfro-pop, Afrobeat noHouse okwa li a ningi edhina lye mehangano lyoongalo sho a li a pititha oalbuma ye yotango yedhina  Omumati Wo Swag mo2014, noya li ye mutula pomuthika gwopombanda, mpoka ishewe a li a hogololwa methigathano lyaahikingalo dhingi aaNamibia (NAMAs) mo2015 moongalo dholudhi loShambo nongalo ye Swagg, ndjoka oyo ya li ya dhenga mbanda.
Nonando opwa piti ethimbo inaa pititha we oalbuma, a li a ningi nokuli uule woomvula mbali, Neslow okwa ti ye okwa kala nokulesha ehangano lyoongalo ye ta tala nkene e na oku shi pondola ye a thike ponkatu yopombanda.

MuDesemba gwa piti Neslow okwa li nokuli a holokele mowela, moka a li a piti ko noalbuma ye ontiyali yedhina Graduation, yi na oshipandi shoongalo 15. Ndjika oalbuma ndjoka tayi popi kutya ngashingeyi ye oku li e shi pondola moongalo, noshitalenti she oshi li pondondo yopombanda.

Oalbuma ndjika okwa li ya ulikwa nokutseyithwa muMaalitsa mondoolopa moka a valelwa, moGrootfontein, noya li ya taambiwa ko koyendji. Moalbuma ndjika oku li a kwathelwa oku imba kuSunny Boy, Exit, ML, Drey, Tate buti naPapa Nelly. Ngashingeyi Neslow natango oku li a tula ombunda moshihwa, moka e li mostudio ta kwatitha omaimbilo omape gwoalbuma ya landula ko.
Kakele kwaashoka Neslow oku li ta ende noshilongo ashihe moka e li ta ulike nokutseyitha oalbuma yeGraduation, opo yi hokiwe koyendji. Oku li ishewe i ipyakidhila nokuninga uumbindja we uup mboka wa lukilwa oalbuma ye.

“Oalbuma oyi na etumwalaka ewanawa, noya nuninwa konyala kehe epipi. Kakele kwaashoka olbuma ndjika otayi kumagidha aanyasha opo ishewe ya longe nuudhigini,” Neslow ta ti ngaaka.

LEAVE A REPLY

Please enter your comment!
Please enter your name here