Oumhango vaAmerica vanafangwa keefandifa doikutu ukulu

0
20

Garth Frazer

Eenduba doikutu ikulu ota di monika momapungulilo mahapu muAfrica. Nepangelo laAmerica ola handukila oilongo oyo ihai hala nawa eefandifa doikutu oyo, nehandu olo itali ka longela nawa oiwana imwe yaAfrica.

Omakwafo opaunhu okwa kala oshinima shinene moUnited States unene tuu ngee tashi ya koipambele yopanghalonawa neameno. .
Unenenene ope na oshinima shimwe United States oye a kala e shi kwatela komesho –naunenene tuu oshinima shomonomola yotete o sho shokuyandja omakwafo koiwana yaAfrica oyo ya talika ko i na oyuuyemo inini.

Oikutu yombilixa kaAfrica
Mongaha etata li shi okutalwa loikutu ya djalwa nale ohai dulilwa ovaAfrica tai umbilwa momapakete peefitola ile meepaakinga dopeenhele domangeshefelo. Oikutu ei ihai landifwa moAmerica, ashike ohai tumwa neesikepa koAfrica. Shaashi nee oikutu ei ohai monika oshali ohai landifwa ombilixa lela kovaAfrica.

Oikutu ei ohai kwafele ovaAfrica neenghono ashike otai dipaa yoo eengeshefa doikutu dovaAfrica ovo hava lande oikutu ipe ile hava hondjo nokulandifa oikutu moilongo yavo.

Oilongo imwepo nokuli ngaashi South Africa, oya indika eefandifa doikutu ikulu hai di kondje yoilongo moshilongo shavo. Okukeelela eefandifa doikutu haidi kondje yomafuta ngeenge oshinima shii, natango onghee shi li oshinima sha pumbwa okukundafanwa. Okulandifa koikutu ya djalwa tai di koChina nako otashi dulika ku tameke diva moAfrica.

Ashike otashi kumwifa eshi ngeenge oilyolongo yaAfrica lokoushilo [East African Community] (EAC) , osha kendabala ngeno okutula po eemhango ngeenge tashi ya kokueta moilongo yavo eefandifa odo, America oha tameke okuninga omatilifo ta ti ota kufa po omakwafo makwao oo ha yandje koilyolongo oyo.

Omolwa omatilifo aa, Kenya okwa denga ondalaye meendelelo ketokolo lokuindika opo moshilongoo shaye muhe uye vali oikutu oyo ya djalwa nale. Vali muFebuluali, Rwanda, Uganda naTanzania navo ova tokola op va xulife po eindiko lokulandifa oidjalomwa ikulu tai di kaAmerica. Molwaaashi Rwanda okwa tokola opo a tule ko iifuta i li pombada koikutu oyo onga omukalo wokutula po elandulafano, USA paife okwa tokola opo a kufe po omakwafo amwe oo a li ha yandje koshilongo osho.

Eefandifa doikutu okudja koUSA da ya koilongo aishe yaAfrica lokoushilo mo2012 oda li di na ongushu yeemiliona US$43, hano eepelesenda 0.003 doilongomwa yaAmerica oyo hai tumwa kondje yoshilongo. Eshi oshinima sha nyika ouhasha tashi ningwa kovaAmerica. Otashi shunifa ongushu yeliko loshilongo pedu, eshi oshilongo tashi landifa nokutuma neesikepa koAfrica oinyakwi oyo ya pumbwa ngeno i ekelwe momatoto.

Ashike, United States okwa ti oshinenenima shomilandu daye doikwapondje osho eenghono dokudula oku ekelashi oikutu ikulu. Vati omilandu da-USA doikwapondje kadi na sha vali noudemokoli, oufemba womunhu ile emanguluko.

Moulili, China ota tungu omakwatafano aye naAfrica. Nonande China ita xumifa komesho oudemokoli moAfrica, ile oufemba womunhu, ita handukile ile va findile kongudi ovaAfrica ngeenge tava anye oungeshefa vanini va nyika oulai.
Osha yela kutya shilipipo shomoilongo oinaenghono tashi ka efa ovaAfrica va ninge omilandu nomatokolo avo vene. Otashi ka kala shi nyakula okutala kutya metwikilo oshilongo shilipipo osho Africa ta ka kala a hala okulonga nasho.

LEAVE A REPLY

Please enter your comment!
Please enter your name here