Aanangeshefa taye shi dhenge komutse momaulikilo giipindi mOndangwa

0
57

Victoria Kaapanda

ONDANGWA-Aashingithi yiipindi otaye shi enditha nawa pethimbo lyomauliko giipindi mOndangwa moshitopolwa shaShana, ngoka ga tamekele momasiku 27 gaApilili notaga hulu mu 05 Mai nuumvo.

Omauliko giipindi mOndangwa otaga ningwa oshikando oshitihetatu okuza sho ga totelwe po. Aanangehefa taya ligola kutya nuumvo oye wete taya ke shi enditha nawa lela oshoka nonando pe na eshonopeko lyoshimaliwa tali nyenyetwa moshilongo, aakwashigwana otaya landa lela nawa shi vulithe oomvula dhapiti.

Omukokoliplesidente Sam Nujoma ngoka a li oye omupopi a simana pepatululo lyiipindi okwa kunkilile aanangeshefa opo ya longe neitulemo opo ya wape okukondeka oluhepo mepangelo.
Nujoma okwa li i indile aanangeshefa mboka ye na uunongo nomagano mokungeshefa ya longe neitulemo opo ya wape okukuta Aanamibia yakwawo.

Omukokoliplesidente okwa li a ti epangelo olya egululila aanangeshefa oompito dhokungeshefa nokwa indile opo oompito dhi longithwe opo oshilongo shi tungale.

Ta gwedha po kutya oshi li sha simana opo aanangeshefa ya longe neitulemo, ya yambulepo wo ondolopa yawo opo yi hilile aatalelipo ya za kilongo yi ili noyi ili ya kunkulukile mondolopa yawo, shono otashi eta ehumokomeho lyondoolopa yaNdangwa.
Ngoloneya gwaShana Clemes Kashuupulwa okwa li ta popi poshituthi osho tuu shika mEtitatu kutya iipindi mbika itayi etitha oshimaliwa awike mondolopa yaNdangwa , ashike otashi yambulapo wo ondolopa.

Mayola gwaNdangwa Paaavo Amwele okwali woo a pandula oshigwana shaNdangwa nomudhingoloko sho sha kutha ombinga mokutunga oondoolopa pamukalo gokushingitha iipindi mondoolopa yawo.

Amwele okwa ti shino oshikando oshitihetatu oku ulika iipindi mbika, mpono aashingithi kwali haya landithile wala puutala wa dhikwa, ashike nena ope na omalunduluko ogendji, tashi ulike kutya ehumokomeho olya uka komeho lela mondoolopa.

LEAVE A REPLY

Please enter your comment!
Please enter your name here