Arsene Wenger osho a egeke omatati

0
43

Shipi Elago

Ongwediva-Kapu na gwi imine ihagu kuka, omudhewuli gwosipana yoArsenal, Arsene Wenger, oku li a ningi etokolo opo a hulithe po oshilonga she shokudhewula osipana yoArsenal ndjoka a dhewula ethimbo nuule.

Omimvo 22 dhaArsene Wenger onge omudhewuli gwosipana yoArsenal otadhi ke ya pehulilo sho oliha tayi ka fumbika onkolo, shika osha li she ya puuyelele sho omudhewuli ngoka e na ondjokonona a li a lombwele iikundaneki kutya ita ka tsikila we nokudhewula osipana yoArsenal ndjoka a kala nokudhewula okuza mo 1996 sigo mo 2018 moka a li u umbile oshifanduke mondambo.

Wenger ngoka eli omvalele yaFrance okwa li e ya kosipana yoArsenal okuzilila kosipana yoMonaco nokwa li a ningi oliha yaaingilisa yikale oliha yina oshinge unene tu sho a li nduluka omukalo gwokudhana moArsenal ngoka ha gu ithanwa tik taka no gwo ku paasinga etanga ta pu endelelwa, nosho wo oku pa aadhani omaludhi giikulya myoka ha yi kwathele okutungapo omalutu gakola pamawudhano.
Arsene Wenger oku li avalelwa mokandoolopa okashona keli moFrance kedhina Strasbourg moka a li a dhana ashike etanga lyopondondo yopevi na konima okwa li a mono onkatu yuudhewuli ndjoka a li eyi mono mo 1981.

Wenger okwa li a tameke oshilonga she shuudhewuli nokasipana okashona lela kedhina Nancy FC moFrance ashike okwa li a pewa olukaku mo 1987 konima sho a li a ndopa oku ulika iiyimati iiwanawa.

Pokati ko 1989-1991 Wenger okwa li a dhewula osipana yoAS Monaco ndjoka a li aadha yi li enyakwa etalala lyoliha yopombanda mo France na Wenger okwa li eyisindanitha ekopi enene moFrance lyo Coupe de France ashike Wenger okwa li a thigipo osipana yo AS Monaco omvula ya landula ko konima sho a li a ndopa okusindana oliha nosipana ndjoka.

Wenger sho a thigipo Monaco okwa li iidhenge ondjila uuka koJapana hoka a li a dhewula okasipana kedhina Nagoya Grampus Eight hoka ha ka dhana moliha yopopombanda moJapana hoka kali ka sindana Emperor`s Cup noJapanese Super Cup pethimbo ka li ta ka dhewulwa ku Wenger.

Wenger okuza koJapana okwa li a lyata mpo ta pu dhuma uuka koLondon hoka a li a pewa iilonga kosipana yoArsenal mo 1996, wenger koArsenal okwa thikile ta ulukile iilumbu komutse gwondjamba na okwa li a tula osipana yoManchester United moshiponga oshoka oyo ashike ya li ha yi tip ii pethimbo ndyoka nando wo opwali eesipana ngaashi New castle United no show Reads United Wenger okwa li a ningi oosipana dhika mbali United na Arsenal dhikale ngele odha tsakanena pukale pwa tisma otsi oshoka ka pwa li puna ngoka ehole okudhengwa kumukwawo na osho shi li sigo onena.

Wenger okwa li a sindana po oliha nekopi lyoFA muule womvula yimwe okwa li okwa li eshi endulula ishewe okusindana oFA Cup noliha mo 2002 na okwa li ishewe iifola ekopi momumvo gwalandulako.
Omumvo gwo 2004 ogwo gwumwe ita gu ka dhimbiwa kaayambidhidhi yoArsenal naaholi yokatanga konima sho Wenger a li a mana oliha ina lola nando edhengo no ku sindana po woe kopi oshinima shoka sha li sha ningwa owala kosipana yo Preston North End konima yomimvo 115.

Wenger okwa li wo a teya ondjokonona ya Nottingham Forest oku ya omawudhano 42 gwoliha ina dhengwa na Wenger okwa li a pitilile po nomawudhano ga heyali na okwa li a lolo edhengo muKotoba 24 omumvo 2004 sho orecord ye yo mawudhano 49 moliha ina dhengwa ya li ya hulithwa po ku Manchester United muudhano mboka oyendji ya li ye wutala kutya omuhikihiya Mike Riley okwa li a dhana onkandangala oku kwathela Manchester United mesindano ndika na oshi kundaneki sho British Press osha li sha luku uudhano mbuka “Battle of the Buffet”.

Wenger oye omudhewuli gwotango oku fala osipana yoArsenal kedhingoloko lyahugunina lyo Europe Champions League mo 2006 moka ya li yeetamo osipana yoFC Barcelona ashike omukwati gwoArsenal pethimbo ndiyaka Jens Lehmann okwa li a pewa okakalata okatiligane naashika osha li sha etele Arsenal eenbwayelo no ku kanitha ofinala sho a li a dhengwa 2-1 ku Barcelona.
Okuza mo 2006 Arsenal okwa li iidhenge momimvo 9 dhondjala moka ka li nando asindana tu nando ekopi lyontumba opo wo pethimbo mpoka ya li ya zi kokapale kawo okakulu koHighBury mo 2004 moka ya tameke okudhanena mokapale koEmirates hoka ye li ha ya dhanene sigo opayife.

Okukala kwa Arsene Wenger posipana yoArsenal ota ku dhimbulukwa koyendji sho a li aluhe ehole osipana ye yidhane uudhano ta wunyanyudha okutala nashoka ita shi kadhimbiwa koyendji.
Kapuna shikukutu shaahulu kapuna shidhigu sha shuna ompadhi monima Arsene Wenger omimvo 22 dha Arsene Wenger moArsenal ita dhi ka dhimbiwa koyendji.

LEAVE A REPLY

Please enter your comment!
Please enter your name here