Number One Bigger ngoka a tamekela oongalo moskepa omo e li mowela

0
172

Shpi Elago

Okahao-Mauno Fredricks, ano Number One Bigger ngaashi eshiwike mokati kaalanduli yoongalo dhe oku li natango ta undula embako nando ota ti onkalo otayi ende tayi nayipala.

Omunamivo 48 ngoka ali omweendifuta molwa oshilonga shokukwata oohi oku li ta longo nuudhigininig opo a humithe oshitalenti she shokuhika oongalo nando eshitameka kwa laata.

“Oalbuma yandje yotango oya li ya zi mo mondjugo lwotango mo 2013 noya li ya dhenge oombwa niiyaha unene tu mOmbaye oshoka kehe okakololo oya li ta yi kwelengendja,” Mauno ta ti.

Ngashiingeyi ondi na ealubuma dhi li ntano kothingo nondi li nda tameka noalbuma yandje ontihamano ndjoka ndi li nda mana nale okushanga omayimbilo agehe na ondategelela ashike oku ya koStudio opo tu ke yidhunge.

“Petameko omayimbilo gandje oga li ashike ga nuninwa aayugi yoohi “Fisherman” na oongalo dhandje odha li ashike ta dhingoloka noonkalo dhomeesikepa nosho tu ashike konima yethimbo onda dhimbulula kutya onda pumbwa oku kwatela mo aantu okwalukehe moongalo dhandje no ku gandja omatumwalalaka gayooloka moshigwana,” Number One Bigger ta ti.

“Oalbuma yandje yotango oya li yi na edhina Penduka ya nuninwa aakwati yoohi oshoka ohaya hepitha iimaliwa momalovu oshoka shampa ye ya komutunda ohaya adha omakana gaantu ga ekama nolundji ohaya thikile taya patulula oondjato dha fa omuntu a kuthilwa ekatana.”
Mauno ota ti onkalo yokuninga othilinga moongalo oyili ya gumwa komukalo gwungomba nutekinika mboka ta wu humu komeho esiku nesiku na uufuthi woku yaka po iihikomwa yaantu kapuna osende yasha ogwa lunda noonkondo , ashike otati onge aahikingalo ina ya pumbwa oku teka omukumo oshoka opuna nga okamwaalu okashona kaakwashigwana mboka yehole okulanda iihikomwa yawo na omo nduno ha ya hupu moka oku fala omboloto nothewa kegumbo.

Ombepo yandje yoongalo onda li nde yi yama kostudio yimwe yoongalo yi li moSpain mokandoolopa kedhina Vigo moka twali ha tu kulameke osikepa na kuume kandje gwomuSpaina okwa li hafalandje kostudio yamumwayina hoka olundji hatu kala ethimbo ele na opo nda li nda za nohokwe yokuninga oongalo mpoka.

Mauno ota indile aahikingalo aaNamibia opo ya kwate nawa okashona hoka haya mono moongalo opo yi ihumithe nako komeho.
“Iingangamithi nelongitho nayi lyomalovu oli li lya vuka mokati kaahikingalo oyendji onkene shika nashi fulilwe okalambo ngele otwa hala oku humitha komeho oongalo dhoshilongo shetu , aahikingalo yamwe ohaya shundula edhina lyuuhikingalo,” Mauno ta ti.
Ngele ngoye omuhikingalo kala wu na omutima gwa gwa pevi ndele haku iyulika noku kala wa hala wu monike ko wafa ependasindani kehe mpoka to yi ngaashi yamwe yomaahikingalo ooyakwetu ha ya ningi, ta ti shika kasha na elago ihe oto ihilile momupya gwahugunina.
Okwa ti oalbuma ye yahugunina otayi monika pOkalindi number 5 mOveduka, omanga mOmbaye otayi monika pOndindila Bar no po ka Tuckshop ke li poKomboni, omanga mOkahao otayi adhikwa poKambwa Bar.

Mauno ta tsikile ko ta ti onkalo yeliko ndyoka li li lya tunga oongonyo olye ya guma wo oshoka iha ya mono we naakwashilipaleki oshoka ngashiingeyi aanangesefa nayo otaya li taya pi onkene moAlbum ye ontihamano oku na okangalo taka popi kombinga yeliko nankene oshimaliwa shi na okukwatwa.

LEAVE A REPLY

Please enter your comment!
Please enter your name here