Tu imbeni oongalo dhi na etumwalaka notadhi tungu “2 Push Up”

0
36

Maria Namupala

ONGHA-Oonekandangala lyombandje opamwe nootaliwashele oyendji otaya lala inaaya kotha uusiku nomutenya, oshoka oya hala okuyambulapo iitalenti yawo, yo ya pitithe oongalo nokuyambulapo ehangano lyaahikingalo moshilongo.
Omuhikingalo atseyika nawa moshilongo Valde Nghinamwaami ano nedhina 2 Push Up, okwa indile aahikingalo aaNamibia ya kale taya hiki oongalo tadhi tungu nodhina etumwalaka.

Ndhika okwedhi popi konima sho twayi moonkundathana naye kuyele oshiwike shika, okwa yelitha kutya okwa konekwa yamwe yomaahikingalo taya imbi owala oongalo molwaashoka yah ala omawi gawo guuvika, ashike kayena elalakano lyokupititha etumwalaka tali tungu.
Okwatsu omukumo aahikingalo yiiyageke okwiimba oongalo tadhi negana, yo ya kale aluhe taya gandja omapukululo moshigwana, nokwiimba oongalo ngaashi taya lalakanene, molwaashoka etumwalaka ndyoka tali pulakenwa mondjimbo ohali taandele mbala.

“Ngame mwene onda tameka okwiimba mo 2010, nopethimbo ndika onda pititha ooalbuma mbali (2), yotango oya pitile mo 2016, naandjoka nda pititha omumvo gwaziko tayi ithanwa dhiladhila nawa muna uungalo wuli 10,” Ta popi ngaaka.

Mooalbuma dhe okwati okwa kwathelwa kaahikingalo ngaashi Satlam, Yashe tati Pii, Bhuqaid, na yalwe oyendji yomoshilongo, otamu adhika uungalo ngaashi dhiladhila nawa, Otamu ka lala peni, Okatongotongo, Keumbo na wulwe tawu nyuwitha omakutsi.
Okwa pula aahikingalo aaNamibia ya kale haya longele kumwe, yo ya paathane omayele ya vule okuyambulapo ehangano lyaahikingalo moshilongo, yo ya gandje etumwalaka tali vulu oku pulakenwa komapipi agehe moshigwana. Oya pandula ayehe mboka ye ya yambidhidha opo a vule a pitithe ooalbuma dhe ndhoka.

Nonande a yambukile moondoolopa yaNgha pethimbo ndika okuli ha kala moWalvis Bay, moka ta kondjitha oku yambulapo onkalamwenyo ye, ya pula elongelokumwe maahikingalo ayehe, yo ya tsikile nokuhika osho wo okwiimba oongalo tadhi tungu, ndhoka woo tadhi vulu okuhumitha komeho oshilongo, ta kumike aahikingalo mboka opo ta ye ya mowela kaaya sholole yo ya tsikile oku ulika iipewa niitalenti yawo aluhe, molwaashoka aluhe etameko ohali kala edhigu ashike naya koneke kutya uuwanawa okomeho.

Okwati Namibia okwa pewa omagano gaahikingalo kamana nonkene naya longithe omagano ngoka ya pewa, Okwa ti iilongo oyindji muuyuni ohayi imonikila momithigululwakalo dhoongalo dhawo, naashika otati ohashi nkondopaleke aahikingalo yomoshilongo nokuya yambulapo ya vule okuulika iitalenti niipewa yawo.

LEAVE A REPLY

Please enter your comment!
Please enter your name here