Ethigathano lyokanangula dhingi lyo Totem Expo 2018 olya thikana

0
49

Shipi Elago

OSHAKATI-Olya ninga natango ethimbo lyokomumvo sho elelo lyondoolopa yaShakati tali ka unganeka ethigathano lyokanangula dhingi pethimbo lyoshituthi shomawuliko gwomazimo shoka sha tseyika nawa Totem Expo.
Elelondoolopa lyaShakati otali hiyi uunangula mboka mboka wu na ehalo opo wu ka kuthe ombinga methigathano lyaMiss Totem Expo 2018 opo wu ninge oshilage wo u yaleke omahala gawo methigathano ndika.

Ethigathano ndika olya egulukila owala uukadhona uuNamibia nenge uunangula mboka wa valelwa moNamibia nowu na uuthemba wopashigwana.
Aakuthimbinga otaya tegelelwa ya kale ye li pokati komimvo 18 sigo 24 yo naya kale ye na uule wo 1.68m.
Ethigathano olye egulukila ashike uukadhona mboka kawu na uunona nangele owa li wa hokanwa ndele to hengana nena owe shi enda komushila.

Oofooloma dhokukutha ombinga otadhi monika pOshakati Town Council nakehe okanangula ke na ehalo lyo ku kutha ombinga oka tegelelwa ka ka udhithe oofoloma moka ta ku tegelelwa ka tulemo omadhina gako agehe ngoka ge li pokamutse ke.
Oofooloma ota dhi kosho N$ 100 na esiku lya hugunina ota li ka kala omasiku 18 ga May 2018 omanga otundi ontitano yokomatango ina yi dhenga.

Uunangula awuhe mboka ta wu ka ninga omayindilo ota wu ka pita koshidhinditho opo ku tothwe mo mboka ta ya ka kutha ombinga.
Oontana dhoka ta dhi ka tothwa mo na dhi kale dhi ilongekidha okuninga omawuliko gwontumba noku ya momalweendo gwoTown Coucil.
Kuuyelele wa gwedhwa po ninga ekwatathano na Katarina Kamari omugandjimulombo mOshakati Town Council konomola yongodhi ndjika +264 65 220435.

LEAVE A REPLY

Please enter your comment!
Please enter your name here