Evi miiheke yaNakele tali landithwa kashili paveta

0
228

Victoia Kaapanda

EKAMBA-Akalimo yomomukunda Ekamba, moshikandjohogololo OKatana moshitopolwa shaShana taya nyenyeta kutya evi lyoPiiheke yaNakale, ohali landithwa po kasha li paveta. Iiheke yaNakele ehala tali adhika momukunda Ekamba mpoka pe na uuyamba wevi oshowo omeya ngoka haga kala momithima. Ehala ndika otali adhika ookilometa 15 muuninginino woShakati shaNangombe.
Ekamba olya topolwa momikunda odhindji ngaashi Ekamba, Oshuulo, Onenongo, Olulongo oshowo Ondangwa.
Aakalimo yomomikunda adhihe ndhika otaya nyenyeta kutya omolwashike evi ndyoka lyopiiheke yaNakele inali simanekwa nokugamenwa ngaashi pamulandu gwa tulilwe po.

Pethimbo taya hokololele onzonkundaneki ndjika oya popi kutya oya hala oku uva kutya iimaliwa mbyoka ya landithwa omavi oyi li peni, okuza oomvula adhihe omilongo mbaali nasha dha ka pita. Na olye ha landitha evi ndyoka, oshoka aakalimo ohaya mono owala oololi oodhigudhigu tadhi zi koshakati tadhi tutu omavi pIihaale yaNakele ihe kape na uuyelele washa.

Yamwe yomomikunda oya kanithilamo oomwenyo dhawo oshowo iimuna, sho tayi gwile momalambo ngoka ga thewa sho omavi taga tutwa mo.
Aakalalimo oye wete kutya omavi ngoka ohaga gandwja kuyamwe mboka haya futu pooha noye wete kutya oshinima shi li ngano osha puka noonkondo, oshoka oshimaliwa tashi landithwa po uuyamba wevi, osha li shi na oku ya puuyelele ihe tashi shiwika ku kehe gumwe.
Taya gwedha po kutya Iiheke yaNakele oyi na uuyambo owundji, kawu shi ashike womavi ashike nomeya wo ngoka ga yela shekesheke nohaga longithwa pethimbo lyokwenye.

“Ehala lyetu ehala ewanawa hali tu zilile omauwanawa ogendji, ashike otu wete kutya otali hanagulwa po pamukalo ngoka gokuthewa omalambo nomavi ngoka taga landithwa kuwalye niimaliwa kayi shiwike mpoka tayi yi. Ondi wete kutya oobilion dha adha kundatu dha za momavi galandithwa gopIiheke yaNakele ihe imaliwa mbyoka kayi shiwike mpa ya ya noya pewa lye”. Gumwe gomomukunda Ekamba ta ti.
Taya indile elolo lyoshilongo oshowo mwene gomukunda gwEkamba ya kuthe onkatu opo ya yambidhidhe monkalo ya tya ngaaka nokandula po uupyakadhi mbuka. Oshoka oye wete kutya ngele oye shi etha shi tsikile ngaashi ngaaka, aakalimo yomomikunda dha zi nokutumbulwa otaya ka kanitha oshindji.

Kundana okwa kala nokukambadhala oku konga uyelele okuza kumwene gomukunda Ekamba ihe ongodhi ye itayi yamukulwa.

LEAVE A REPLY

Please enter your comment!
Please enter your name here