Kapuka Tonamende kuuluka ko

0
36

Shipi Elago

Ohangwena-Osha ninga natango ethimbo lyokomumvo sho uudhano mboka hawu nana aantu koombinga noombinga tawu ka galukila mondambo moshitopolwa shaHangwena kuyele nuumvo.

Omukwatakanithi gwuudhano mbuka Theo Mwashindange okwa li a holola kutya omvula ndjika oye li ya kutha mo uudhano wumwe mboka ihawu kala wuna aakuthimbinga oyendji ngaashi okatanga kokoompadhi koomeme, Basketball yoomeme nosho wo Volleyball yoomeme.
Oosipana otadhi indilwa opo dhi ninge Shishaki Shandjila opo ya ka yaleke omahala gawo muudhano mbuka omanga inaku toka.
Nuumvo ngaashi shito otonamende ndjika otayi ka kala yi na iitopolwa iyali, oshitopolwa shoosikola noshitopolwa shaakokele, moka oosikola adhihe koonono moNamibia dha tegelelwa dhi ka kuthe ombinga.

Opo omudhani a kuthe ombinga muudhano waakokele omudhani na kale e na omimvo 30 okuya pombanda ye na kale iha dhana mooliha dhopombanda moshilongo.

Osikola kehe tayi ka kutha ombinga mokatanga kokoompadhi oya tegelelwa yi ki ishangithe nokapandi koo N$ 600, omanga osipana yoNetball tayi ki ishangitha no N$ 450 noVolleyball otayi ki ishangitha nokapandi ko N$350.
Mongundu yoosipana dhaakokele Okatanga kokoompadhi osipana kehe otayi ka tegelelwa opo yi ishangithe nokapandi ko N$ 1000, omanga Volleyball noNetball tadhi ki ishangitha nokapandi koN$ 850.

Omayishangitho otaga hulu momasiku 20 ga June 2018 na kapu na omaishangitho ga laata ta ga ka taambwa ko nuudhano owatengenekwa wu ka kale ko momasiku 22 sigo 24 ga June omvula ndjika.

Osipana yotango mokatanga kokoompadhi mongundu yoosikola ota yi ka fadhuka po nokapandi ko N$ 3500, omanga osipana ontiyali tayi ka pandulwa nokapandi ko N$ 2500, yo Osipana ontitatu tayi ka hekelekwa no N$ 1500.
Muudhano woNetball woosikola enyakwa otali ki ipandula nokapandi ko N$ 3000, omanga ngoka te ke ya puutiyali ta ka pewa N$ 2000, omanga gwa hugunina ta ka pewa N$ 1000.

Omusindani gwoVolleyball ota ka pewa okapandi ko N$ 1700, omutiyali N$ 1200 nogwahugunina ota ka hekelekwa no N$ 900.
Kongundu yaakokele osipana ndjoka tayi ka sindana po okatanga kokoompadhi otayi ka pewa olupandu lwo N$ 4000, omanga ontiyali tayi ka pewa N$ 3000, nosipana ya hugunina otayi ka tentekwa N$ 2000.

Netball yaakokele enyakwa N$ 3500, omutiyali N$2500, nogwahugunina ota ka hekelekwa nokashona ko N$ 1500.
Volleyball yaakokele omusindani ota ka gwila kokapandi ko N$ 4000, omutiyali ota ka faalela N$ 3000 kegumbo omanga osipana tayi ke etelela okano tayi ka hekelekwa no N$ 2000.

Kehe enyakwa mongundu kehe ota li ka pewa ekopi osho wo oombandi dhoshingoli, omanga oosipana ndhoka tadhi ki iyadha pehala etiyali tadhi ka pewa oombandi dhoshisiliveli naadhoka tadhi ke ya pehala etitatu otadhi ka pewa oombandi dhoshikushu.

LEAVE A REPLY

Please enter your comment!
Please enter your name here