NFA a takela omunwe ‘aatangalali’

0
16

Shipi Elago

Oshakati-Ongongahangano tayi lele okatanga kokoompadhi moshilongo, oNFA oshiwike sha zi ko oya li ya takele omunwe okangundu kaawiliki yoosipana moshilongo mboka ya kala ethimbo nuule taya kambadhala oku umba ko omalelelo gwopayitopolwa gaNFA koshipundi kutya naye shi fulile okalambo.

Omukanda ngoka gwa nuka mombelewa ya Amushangandjayi Barry Rukoro ogwa li gwa holola nkene NFA a koneke iilonga yi li mokati kiilyo yoNFA mbyoka olundji yi li ooyene yoosipana dhontumba mboka ye li taya ningi iigongi miitopolwa ya yooloka nedhilaadhilo oku umba ko koshipundi omalelo goNFA ngoka ga hogololwa.

Omunashipundi gwokatanga kokoompdhi mOshana Beatus Nandago okwa li a holola kutya opu na okangundu okashona taka eta omakuyunguto momawudhano na oka kwatelwa komeho kooyene yoosipana ye shiwike nawa moshitopolwa shaShana hoka taka tampauka noshilongo ashihe na otaka ningi iinima ihayi ningwa muuyuni wu na oveta.

Lwopokati mpoka opwa li wo pu na ongundu yimwe ya li ya hala okugwitha ko koshipundi elelo lyoliha yoNorth West First Division konima sho ya li anuwa ya kanitha eyinekelo mewiliko ndyoka lya hogololwa pamilandu dhaNFA.
Ombaapila ndjika inayi ya thiga ko wo oshoka NFA ota ti iinima ayihe mbika oya thika momakutsi ge na ota ti mboka taye shi ningi naya kale ye shi shi kutya otaya ki iyadha muudhigu.

Omukanda ogwa tsikile tagu ti ekotampango lyaNFA olya yela nomawiliko agehe ngoka ga hogololwa kaashi li paveta kage na oonkondo dhasha.

“kehe ngoka ta ka kala miigongi yomaudhano inayi uthwa kuNFA na kale i iongekidhila egeelo lya yaga kegonga onkene otatu indile opo iilyo yetu yi ikaleke kokule nomalelo ngoka gaafele oshoka otaya ki iyadha ye li momeya omapyu,” omukanda tagu tsikile.
Uudhano woNorth West First Division owa li wa yiwa moshipala komakuyungutoto gwoludhi nduka na ka wa li we wa dhanwa ehuliloshiwike lya zako.

Ashike onkundana ombwaanawa kaayambidhidhi yokatanga kokoompadhi unene tuu yokoNooli mboka ye li ya hala nokuhalelela opo konooli ku ze osipana yimwe yokatanga kokoompdhi tayi yi koliga yopombanda oyo ndjoka kutya oliha ndjika otayi ka tameka ongula yanakwasha.
Uuyelele mbuka owa li wa gandjwa komunambelewa gwuudhano mbuka monooli Lydia Hakandongo ngoka a li a koleke kutya eeno oliha otayi tameke ehuliloshiwike ndika.

Oosipana odha topolwa moongundu mbali A na B. Mongundu ya A uudhano ou li ngaashi tashi landula:
Ngula mOlyomakaya Oshikuku Young Stars otayi ka tameka uudhano wawo noMilitary School megumbo pokapale komOshikuku, omanga Onambula United ndjoka ya menekela mo moliha ndjika tayi ki ikwata noGolden Bees pOtsandi.

Mongundu ya B Africa Motto ota ka dhana lwotango moliha ndjika konima sho uuyenda we moliha ndjika wa li wa tsakanene noshikukuta nokwa li e na okutegelela konyala uule womimvo mbali opo a thange etanga na ota ka tameka olweendo lwe moliha ndjika naAfrican Lions pokapale kopUukwangula nOnangombe tii kanda.

UNAM Ogongo ota ka dhana naTouch & Go mpeyaka pOgongo.
mOsoondaha Onambula United ota ka ya mondambo naMilitary School omanga Oshikuku Young Stars ta ki ikwata naGolden Bees.
Mongundu ya B mOsoondaha, Africa Motto ota ka dhana naTouch & Go omanga UNAM ta ki ikwata naAfrican Lions.

LEAVE A REPLY

Please enter your comment!
Please enter your name here