Omithigululwakalo odho etumba lyetu “Kalliokoski”

0
25

Maria Namupala

ONIIPA-Omupopi goshiwambo a tseyika nawa koyendji Toivo Kalliokoski okwa ti omithigululwakalo nadhi kalekwe po molwaashoka odho etumba noongudhi hoka twa thikamena. Ndhika okwe dhi popi oshiwike sha zi ko konima sho twa ningi oonkundathana naye pOniipa.
Kalliokoski ngoka e li Omusoomi noha kala koFinland oha popi elaka lyOshiwambo nawa, nokwa holola okuuva nayi kwe molwa aagundjuka Aanamibia ya dhina omalaka gawo gomavalelwamo, nomokwaaha simaneka omithigululwakalo dhawo.

“Ngame mwene onda valelwa mOnandjokwe mOniipa mo omo nda putukila naakuluntu yandje mboka ya yambukile koSoomi, megumbo otwa putudhwa kaakalele yAawambo shoka she tu thiminike opo tu kale tatu popi Oshiwambo nawa,” Kalliokoski ta ti ngaaka.
Okwa gwedha po kutya aagundjuka naya simaneke omidhigululwakalo yo ye dhi kaleke po, pamwe noohedhi, molwaashoka oshilongo shaa na omuthigululwakalo osha fa olweendo lwa tumba lwaana mpoka lwa thinda.

Ta ti otashi yemateke okutsakaneka yamwe yomaagundjuka Aawambo ya dhina elaka lyawo nopoompito odhindji ohaya kala owala taya popi omalaka galwe, “nonande ndi li Omusoomi kungame mwene ondu uvite kutya Omuwambo, nonkene ondi na aluhe okupopya Oshiwambo aluhe mpoka tandi iyadha, molwaashoka oshi li mombinzi yandje, nohandi kala aluhe ndu uvite etumba ngele tandi shi popi,” ta popi ndhoka.
Kalliokoski ta i okwa koneke kutya omithigululwakalo odhi li po tadhi dhimbiwa oshowo oohedhi nomikalo mepipi egundjuka odha kana mo, yo kaye na we esimaneko lyookuku yonale onkee okwa tokola opo a gandje etumwalaka kwaayehe ye dhi simaneke yo ye dhi kaleke po.

Okwa ti aagundjuka oyendji esimano lyomithigululwakalo dhono ya yama oye dhi pingena po nomithigululwakalo dhaatiligane, “Shitunda nohedhi shilongo nomukalo gwasho osho ookuku ya ka lala ya li haya tumbula. Ando okwa li hayi udha okagandhi ndele ookuku taya penduka oyendji otaya ka sa omitima oshoka oonkuluhedhi odhindji otadhi ende tadhi dhimbiwa unene kepipi lyanakanena,” ta gwedha po.
Ta yelitha kutya mongaashingeyi aagundjuka oyendji ihaya tokelwa momagumbo yo ya hungile naakuluntu yawo, nonkalo ndjoka oya linduluka. “Aakalele yetu yAawambo oya li haye tu longo omithigululwakalo moka te dhimbulukwa mo sho twa li twa lombwelwa kutya aanegumbo kaya li haya etelele okano oshoka ookuku oyal i ya simaneka okutokelwa megumbo poshinyanga taya pe oohembundangele ya nwe mo moshitenga shuuteku noshowo omithigulwakalo,” Kalliokoski ta ndungike ngaaka.

Omuthigulwakalo ogo esipa lyothingo moonkalathano dhomithika adhihe, ta ti ongele esimano lyopauntu mwene nenge olyaantu ayehe kondandalunde monale oko lyal i. Ta ti omalaka nago wo oge li ga ka nitha ongushu.

LEAVE A REPLY

Please enter your comment!
Please enter your name here