Otandi ka tula ombunda moshihwa-Kalux

0
28

Pinehas Nakaziko

Ovenduka-Omwiimbi goongalo dhoAfro Pop noRnB, Saggarias Karunga ngoka a tseyika nawa nedhina Kalux moongalo okwa ti ye nuumvo ota ka longa nuudhiginini ngele tashi ya moku eta po oongalo.
Shika okwe shi popi sha landula sho a li a sindana po limwepo lyomomakopi ngoka omanene onga oye omwiimbi dhingi omulumentu moshilongo omvula 2018, poshiindingili shegandjo lyomakopi kaahikingalo dhingi moshilongo (NAMAs) shoka sha li sha ningilwa moSwakopmund pehulilo lyomvula ya zi ko.

Nonando hapo lotango Kalux ta sindana omakopi koNAMAs, okwa holola kutya shika otashi ulike kutya oongalo dhe odhi li tadhi humu komeho, noku li a thika ponkatu ndjoka yopombanda, onga omuhikingalo omunene moshilongo.
“Paife onda tokola nda mana mo opo ndi ka ninge oongalo ndhoka tadhi tungu, notadhi hokitha,” Kalux ta ti ngaaka, ye ta pandula aayambidhidhi ye sho ya kala noku mu yambidhidha oomvula odhindji dha piti. Kalux okwa li a sindana noalbuma ye Tuhafeni, ndjoka a li a pititha omvula ya za ko noya li ya taambiwa ko koyendji.

Ngaashi naana sha kala omukalondjiigilile, Kalux okwa li a sindana methigathano ndika lyoNAMAs oshikando shotango mo 2015, moka a li a sindana ekopi lyomuhikingalo dhingi ngoka opo te ya mowela, nokangalo ke kotango Hafifange.

Okuza mpoka okwa kala nokuninga oongalo ndhoka tadhi etitha okulya ngaashi Netira, I love you, Nxa Gute, Ayeeko I waana Know, noonkwawo odhindji. Mondjila ye yoongalo ayihe Kalux okwa hala opo a kale e li ponkantu mpoka pu na aahikingalo yokondje yomafuta, noongalo dhe opo dhi kale tadhi pulakenwa kuuyuni auhe.

LEAVE A REPLY

Please enter your comment!
Please enter your name here