Sanlam a gandja omapapa kookatokote 40

0
8

Louise Liebenberg

SOUTH AFRICA-Oshinyangadhalwa shika ohashi ningwa owala kehe konima yomimvo mbali, ashike nande hashi kwata ethimbo ele, kashishi okuhunukwa –oshoka shino osho dhingi.

MoSouth Africa omo ishewe tamu ningilwa oshituthi shoSanlam shokugandja omapapa kaanuunongo wokuthaneka noonyala kamana, shono hashi gandja omapapa komanyakawa 40 ngoka ogo dhingi mokueta po iipelendelo. Nuumvo omanyakwa gaali ga za moPort Elizabeth nago gayi kedhingonoko lya hugununwa. Mbaka oyo Jennifer Ord naLwando Lunika.

Iilonga yooBoth Ord naLunika aihe oya li yomathano. Ord okwi idhimbulula kutya oku na ompito oku kala omuthaneki kamana ethimbo a kuthile oshitopolwa methigathano lyoSADC (Southern African Development Community) lyali lya ningilwa moNamibia konima yomimvo omishona.

“Onda tsakaneke omukiintu gumwe, onda li ndi hole oshipala she noonkondo. Kanda li nda hala oku mu piyaganeka, ashike paku kala kwandje kanda li ndi shi okuthaneka omathano taga ulike omwenyo. Opo ndi thaneke ethano lyoshinima shi na omwenyo oshinima shoka oshi na okukala ndeshi hokwa noonkondo,” Ord ta ti.

Lunika ye okwa li a thaneke kuumwe ke, Phumlani Noqegu ngoka naye wo e li onkulungu miipelendelo.
Lunika 21 ina dheulilwa naanaa okuthaneka, kakele ashike kokagongiilonga komomukunda haka ningwa kohi yewiliko lyaMasifunde Learner Development, ehangano lyaaha shi lyopashimaliwa lili molukanda lwaWalmer moka ha zi.

“Ondi itala ko onga omuthaneki omunyangadhali,” osho a ti ngawo. “Uuyuni ohau mono owala omathano gandje ihe ope na iinima oyindji mbyoka ndi hole. Ngame ondi shi wo okuthaneka, te nduluka ka po oonguwo dhoshinanena, ishewe ondi ipyakidhila nokushanga embo”.
Epatululo lyomaulikilo ngaka olya ningwa nale oshiwike sha zi ko nomauliko giipelendelo niihongwathano ngaka oga patulukila kehe gumwe. Omathigathano ngoka haga ningwa lwiikando iyali omumvo kehe nago oga egululwa, tashi ningwa lwoshikando oshititatu moSouth Africa.

Omumvo gwa zi ko ethano lyi li oombinga mbali lyaGenna naFelix, ndjoka lyi li momagadhi lya thanekwa kuKate Arthur, ngoka a li omuthaneki moEastern Cape ihe paife okwa tembukila koCape Town, olyo lya li lya sindana. Arthur, ngoka a putukila moEast London, okwali a sindana oshimaliwa shoR100 000, sho a thigi monzi aapelendeli yeli 1 437.

Iilonga ye oya gwedha kiilonga 39 mbyo yashindwa noya piti miihogololitho yaadhindoli dhingi.
Kakele kwaashoka, Marié Stander (a li a tseyika nedhina Van Reenen), ngoka a zile koondoolopa yaGeorge ashike paife oha kala moStellenbosch, naye iilonga ye yali koshi yoshipalanyolo, Gifts from Joseph and Maureen, nayo oya li ya hogololwa.
Stander ngoka iilongele iipelendelo koStellenbosch University, okwa kala omulongi koosikola dha yooloka mwa koVictoria High koPE omanga inaa tameka oku ninga gumwe gwomaanamadhina muuyuni.

Omupunguli gwiipelendelo yoSanlam Art Collection, Stefan Hundt Bay oye a tegelelwa apatulule omaulikilo ngoka omanga inaaga ya koongulu dhilwe dhomaulikilo nodhomaulikilo momahala gi ili nogi ili moSouth Africa.
“Iilonga mbyoka ya yi mongundu yiipelendelo 40 oyo iilonga iiwanawa kaaku na we oshoka okuyoololwa mongundu yiipelendelo 1400 kashi shi oshinima oshipu, na ishewe otwe shi ningi methimbo efipu noonkondo, twe shi ningi owala mule womasiku gane. Okupopya moshili aapelendeli mbaka oyo kamana kandongo,” Hundt ta ti ngaaka.

Hundt ta gwedha po kutya nuumvo okwa li ku na iipelendelo oyindji na otashi uvitha ombili sho aathaneki oyendji ye ya po nomathano ga yoolooka kwaandjo ka lya li lya sindana omvula ya zi ko.

Ongulu yomaulikilo lyoThe William Humphreys Art Gallery ndjoka yi li moKimberley oya kutha omashangelomo gomomathigathano gaSanlam oshiwike shika yo ishewe oya landa wo iipelendelo niihongwathano kwaamboka ya kutha ombinga,” osho omuthaneki gwokoKaroo Estelle Marais, ngoka wo eli oshilyo shokomitiye yokuhogolola omathano a ti.

Epapa ndika olya longekidwa koRust-en-Vrede Gallery ndjoka yi li moCape Town nolya kwashilipalekwa koSanlam Private Wealth. Iipelendelo mbika otayi kala tayi talika sigo omomasiku ga8 Juni. – HeraldLive

LEAVE A REPLY

Please enter your comment!
Please enter your name here