Evi mIiheke yaNakele tali landithwa kooN$ 100

0
93

Victoria kaapanda

OSHAKATI – Elelo Lyopamuthigululwakalo lyOshilongo Shuukwambi olya yelitha kutya evi mIiheke yaNakele, momukunda Ekamba ohali landithwa paveta nohali kotha oodola ethele limwe mofulaha yimwe. Oshigongi shika osha li ko omasiku sho ga li 16 Mai nuumvo, sha ningilwa momukunda Uukwangula moshindjogololo shaKatana.

Omupopiliko gwElelo Lyopamuthigululwakalo Lyoshilongo Shuukwambi Reinhold Iita okwa li a yelitha kutya evi ndyoka hali landwa kokontalaka nenge kookampani ndhoka hadhi ka landitha omavi , oha ye li landa owala koodoola ethele limwe mofulaha, dho ookotaraka tadhi ka landitha koN$1500 nenge shi vulithe po pomwaalu ngoka.

Ta gwedha po kutya omalambo ngoka taku popiwa taga gwile iinamweyo osho wo haga faalele oomwenyo dhaantu kage shi omalambo omape, omalambo ga kala po oomvula dhonale okuza momvula 1978 moka omalambo ga totopwa po.

“Nokombinga yuushitwe ohatu wu gamene lela oshoka ihatu etha omalambo ga thewe kehe mpoka”. Iita ta ti.
Elenga lyUukwambi Herman Ndilimani Iipumbu okwa popi kombinga yomahala ngoka taku ti ohaga gandjwa po shaa li paveta gopIiheke yaNakele, ta ti omahala ngoka taga popiwa ogo ngoka ya li ya gandja kaakwashigwana mboka ya li ya adhika kefundja momvula 2008, 2009 oshowo 2010 nomahala ngoka oya li ye ga pulwa kepangelo.

Iipumbu ta ti iimaliwa mbyoka hayi landwa omavi, ohayi kwathele aakwashigwana yomomikunda dhaKamba mboka ya pumbwa omakwatho, uuna ya adhika kuudhigu, ngaashi okukwathelwa okulanda iiketha.

Ta gwedha po kutya okakomitiye hoka kaye shi kutya okoolye lela komIiheke yaNakele, na ka tule po okupopila elelo lyoshilongo muuwinanayi oshoka shono ya li ya lopota kiifokundaneki kashi shi shoshili notaya kakeke edhina lyelelo lyoshilongo. Nongele oye na uupyakadhi na ya ende pamulandu gwelelo lyoshilongo.

“Okakomitiye hoka ka gandja omatilitho kutya otaka vulu okuya sigo okompangu, katu na nando uupyakadhi kwaashoka, naya ye komeho naashoka ya tokola.” Ndilimani ta ti.

LEAVE A REPLY

Please enter your comment!
Please enter your name here