KK Palace a gandja omadhewo kaanadholongo mOndangwa

0
52

Shipi Elago

Ondangwa – Osipana ya-KK Palace ehuliloshiwike lya za ko oya li ya wayimine oshikondo shoodholongo mOndangwa nokugandja omadhewo gwopankalathano okupitila muudhano.

Omudheuli gwosipana yo-KK Palace, Father Elemu okwa li a holola kutya omadhewo ngaka oge li oshitopolwa shosipana yawo shokukwathela omidhingoloko nokuhwepopaleka oonkalamwenyo dhaantu.

“Otwa li twa longitha omaudhano onga osheenditho shokulonga nokundungika aanadholongo nkene ye na okutunga po onakuyiwa yawo yuuntu moka twa li twa gandja omadhewo ga guma uuwiliki nankene omuntu e na okuninga omatokolo esiku nesiku mokukalamwenyo,”Elemu ta ti.
Okwa ti aanadholongo oya li ya nyanyukilwa omadhewo ngaka noyendjiyendji oya li ya holola nkene ya hala okugalukila moshigwana nokutsikila nonkalo ombwaanawa, nokukwathela metungepo lyoshigwana.

“Otwa li twe ya fatululile uukwatya womuwiliki omwaanawa momaudhano, nkene omayihumbato omawanawa haga kwathele aadhani okumona iizemo iiwanawa momaudhano.

Otwa li twe ya ulukile nkene omawudhano ga fa nanaa omidhingoloko moka aantu yokwalukeshe ye li ta yelekanitha kutya momawudhano ngele omuntu ngele okwa ningi omatokolo ga puka nena oha pewa egeelo ndyoka h li vulu okuetela omudhani opamwe nosipana ye.”
“Omudhani, twa dhini tu tye ngele okwa longitha omalaka inaga opala mokapale nena omuhikihiya oku na okupa omudhani nguka ostalafa nositalafa ndjika ote yi pewa opo pu gamenenwe po omilandu nomitungilo dhomaudhano no ku eta wo ombepo yomaudhano mokati kaadhani,” Elemu ta tsikile.

Okwa ti shika osha fathana nomidhingoloko moka tu li oshoka ngele owa ningi epuko nena ope na iilanduli hayi ku adha ngaashi ngele owa gumu iinima yaantu nenge we ehameke omuntu kolutu nenge komwenyo.
Ta ti shika aanadholongo inaye shi kutha ko onge uukoloni ashike oshi li oshitopolwa shokuzula aantu opo ku kalekwe po omidhingoloko dhi na elandulathano.

Anadholongo oya li ya dhana okatanga kokoompadhi nomadhewo gwontumba ga guma okutunga po nawa olutu noyendji oya li ya nyanyukilwa omadhewo ngaka noya li ya indile ngele osemina ndjika otayi kala hayi endululwa nando iikando iyali momvula.
KK Place osipana ya tseyika nawa monooli nohayi dhana moliha yoFirst Division nomudhewuli gwayo okwa li omudhani omukulu gwosipana yaZambia yopashigwana yokatanga kokoompadhi.

LEAVE A REPLY

Please enter your comment!
Please enter your name here