Oliha yoSecond Division mOmusati otayi pula komeho

0
32

Shipi Elago

Outapi – Nando konyala iitopolwa oyindji moshilongo oyi li ya manitha uudhano wawo woSecond Division, kOmusati natango Shipanga ota nyenge Nangolo.

Olyomakaya ga za ko Onambula Young Generations oya li ya dhenge mo Blue Bird nokoola yimwe monola omanga Okahao FC oka li ka dhana shi thike pamwe yimwe muyimwe nOmusati Nampol.

Future FC okwa li a dhenge Okalongo United nookoola mbali monola omanga Ogongo United ya li ya dhenge mo Outapi United mbali moshikangwa.

MOsoondaha Blue Bird okwa li a dhana shi thike pamwe naFresher United yimwe muyimwe omanga Okahao ka li ka hanagula po Outapi nookoola ndatu monola.

Black Magic okwa li a dhenge mo Okalongo United, omanga Epupa Eleven lya li lya dhenge Onambula Young Generation ookoola mbali monola.

Young Brave oya li ya pewa yimwe nomiiyagaya kOmusati Nampol.
Blue Bird oye e li ta pangele oliha ndjika sho e li komeho niitsa 40, ta landulwa kuFuture FC ngoka ta fudha e li pothingo ye niitsa 37 ye na Fresher FC naye ota pukululwa kombanda yoshitaafula e li pehala etitatu niitsa 37 kakele okwa thigwa po kuFuture nookoola.
Ehuliloshiwike ndika shiti ota ka tekela mbundje mOmusati sho oliha ndjika tayi ka shuna mondambo.
MOlyomakaya Future FC ota ka ya mondambo nOutapi United pOgongo omanga tuu pOgongo opo tuu mpoka Black Magic ota ka dhana nOkalongo United.

Pokapale kopOutapi Blue Birds ota ka tala nkene ta kaleke po ehala lye pombanda yoliha sho ta kiikwata naYoung Brave, ye Fresh United ta ka tya pwaka naNampol, Okahao oke li mo neEpupa Eleven.

MOsoondaha mOutapi Young Brave ota ka ya mokapale nOkalongo United omanga Blue Bird ta ka homona Outapi United, ye Nampol ta ka taalela endangalati mondjila Epupa Eleven.

MOsoondaha pOgongo otapu ki inyenga uudhano pokati kaFuture nOnambula Young Generations, omanga Ogongo otayi ka pata ehuliloshiwike ndika nuudhano pokati kawo naBlack Magic.

Oliha ndjika oyi li osheelo moka oosipana dhi na okupitila mondjila yokuya koliha onene ontiyali moshilongo onkene oosipana odhi li tadhi lu dha mana mo opo dhi tale kutya olye ta ka sindana po oliha ndjika ye a wape a ye koliha yoFirst Division yokoNorth West, moka hamu dhana oosipana ngaashi Onambula United, KK Palace, Ongwediva City, Africa Motto, Oshikuku Young Stars naUNAM Ogongo, nosho wo Young Chiefs ngoka a li a pewa olukaku moliha yopombanda moshilongo.

LEAVE A REPLY

Please enter your comment!
Please enter your name here