Omolwashike ounyuni aushe wa tala nehafo ohango yomona wokombada moBritain?

0
255

Olomakaya la dja ko ovanhu vahapu mounyuni ova kala va kalela eeTV davo mokutala ohango yomutekulu wohamba, Queen Elizabeth waBritain, wedina Prince Harry eshi ta hombola omukainhu Omuamerica, oo ha dana eemuvi, wedina Meghan Markle.

Ohango ei nande ya hafifa vahapu mounyuni, unene tuu moAfrica nomoAmerica, natango ope na ngoo oohandimwe tava pula kutya omolwashike keshe umwe ta popi ohango yaMeghan naHarry, nove udite kutya inashi fimana ohango yaava i kale oshipalanyolo momakanya avahapu, keeradio, eeTV nomoikundaneki. Ve udite kutya eshi osho emane po lefimbo, nefimbo olo ovanhu tava longifa okupopya ohango yomona wokombada okwa li tali dulu okulongifwa moinima imwe tai tungu.

Nonando mounyuni wohamba Elizabeth mwa ningwa eehango mbali nale, ohango ei onhinatu oi li unene momakanya ovanhu nounyuni otau popi.

Ashike omolwashike ohombo yaHarry naMeghan i li ya hafifa unene ovanhu vahapu? Eehango dokouhamba keshe mounyuni nghee di li ohadi kala oshiindingili sha kula, unene tuu dokoBritain, oshilongo osho sha talika ko onga shimwe shomoilongo oinanghono noiyamba mounyuni. Oshitivali Prince Harry, omonamati waPrincess Diana oo a li a talika ko onga omunhu wotetete okudja mouhamba waBritania a kala ha yandje omakwafo kovanhu ovo va dengwa koluhepo noita. Ashike eshi shi li oshinenenima kohango oyo, oshe shi Harry ta ningi ondjokonona medimo eshi ta ningi omunhu wotete moule weedula da konda po400, ta hombola omulaule. Ye oye wotete ta hombola Omumerica.

Hano ohango ei oi na ondjokonona nohombo yaava vavali otai ka kala ya tulwa mokatengelelo kounyuni okutala kutya Markle ota ka xupa ngaipi mombala yOvaingilisa ovo kwa kala kwa itavelwa kutya ohava li oshipungo ovafyoona.

Kakele kwaasho, omaumbo oikundaneki opo nee haa shangwa opo. Ohango ei oye va kwafa opo va ninge mo oshimaliwa sha wana okuulika ohango yokombala. Ohango yoshiveli shaPrince William naKate Middleton mo2011, oikundaneki oya li ya kufa mo oshimaliwa shi li lwopeemiliona N$288, hano eemiliona $24 daAmerica. Ohango ei ya Harry na Meghan okwa tengenekwa kutya otamu ka dja oshimaliwa shi fike lopobiliona N$1, 2 ile eemiliona $100 daAmerica.

Hano osha li sha fimana opo oikundaneki i ulike nghee ohango yokombala yafimana opo nayo i longife omhito oyo i limonene mo oshimaliwa.

LEAVE A REPLY

Please enter your comment!
Please enter your name here