Egaluko lyaFrans MC7 moongalo dhopambepo

0
63

Pinehas Nakaziko

Windhoek – Omuhikingalo gwoondjimbo dhopambepo ha imbile oongalo dhe okuziilila  monooli yoshilongo gwedhina Nande Shikongeni nokwa tseyika nawa moongalo Frans MC7, osho a tseyitha egalukilo lye moongalo dhopambepo omwedhi nguka.

Frans MC7 okwa ningi uule woomvula ndatu a tya po thilu, nopetameko lyomwedhi nguka okwa li nokuli a tseyitha kutya ye okwa galukila moongalo pakuudha, nokwa etelela oshipandi shoongalo dhe oshititatu shedhina Eschatology, moka mu na omaimbilo ge li 12 ge na etumwalaka etoye.  

Nonando oku li e shi gamena monooli, Frans MC7 okwa li a tsyeithile noku ulika oalbuma ye ndjika mOshilando pehala lyokugongalela lyoHakahana Community Hall moKatutura mo19 Mai nuumvo.

Frans Mc okwa ti oalubuma ye otayi shi enditha nawa kooradio dhOshiwambo ngaashi Radio Chanel 7, Omulunga nosho woo koNBC Kati FM. Frans MC7 omulumentu ngoka a valwa pethimbo lyekondjelomanguluko moCuando Cubango muAngola, nokwa holokele moshilongo konima yemanguluko naakuluntu ye.

Noalbuma ye ompe, Frans MC7 okwa tseyitha ta ti otayi popi kombinga yeitedhululo, noyi na omaimbilo ngoka ge na omatumwalaka ga kola, taga kunkilile opo ayehe ya tameke okulongela Kalunga.

Moalubuma muka otamu adhika omaimbilo ngaashi ndyoka lyi li ponomola yotango lyedhina Ekulusu Lyange Ndambata, ndyoka ta imbi ta ti ye okwa itayela muJesus. Okangalo hoka ke li ponomola 12 omo moka ta gandja etumwalaka lye, nota totha mo omakunkililo agehe ngoka ge li moalbuma.

Ponomola 9, ongalo yedhina Hatukaimba Hossiana, okangalo hoka taka ti kutya kehe gumwe ota ka thiga po ombanda, nota ya ka imba Hossiana pamwe ayehe. Omanga okangalo hoka ke li ponomola 11 taka ti Jesus Wange Iha Nyengwa Kusha, ota popi kutya kehe ngoka a itayela muJesus ota ka mona elago.  

Moalbuma muka okwa kwathelwa kuNdinah Shafudah, okakadhona hoka ke na ewi lyoshingoli noke li ka opaleka omaimbilo ge agehe.  Nonando oongawo, Frans MC7 okwa tseyitha ta ka thanekitha uuvidio wumwepo womomaimbilo ge, noku li i ipyakidhila okutaandelitha oalbuma konyala oshilongo ashihe.

LEAVE A REPLY

Please enter your comment!
Please enter your name here