Iiponga yiihauto ya faalela oomwenyo mehuliloshiwike lya zi ko

0
125

■ Victoria Kaapanda

OSHAKATI- Aalumentu yaali oya li ya hulithile moshiponga shohauto, momasiku 25 Mai, ongulohi yEtitano, kokapate kEheke, moshikandjohogololo shaMpundja moshikando shaShana.

Omukuluntu gopolosi yaShana Petrus Iimbili okwa hokolola kutya, otaku popiwa ohauto yekwangwa ya li tayi hingilwa nokusineya ngeno ohauto ndjoka ya li yi li komeho gayo, ihe okwa ndopa okukondolola ohauto, e tayi pumu ohauto ndjoka ya li komeho gayo.
Iimbili ta ti moshiponga moka omwa ehamekelwa aantu ye li 12 mboka ya li ya falwa ya ka mona uuhaku kOshipangelo shEpangelo shaShakati.

Wilhem Nghilifavali Tomas (25) okwa hulithile poshiponga manga Elifas Heita (39) ngoka oye a li ta hingi ohauto ndjoka ya li komeho okwa ka hulithila koshipangelo shamed Park mOngwediva esiku olyo tuu ndyoka.
Aakwanezimo yoonakusa oya tseyithilwa.

Moshiponga sha faathana , omulumentu goomvula 31 okw ahulithile moshiponga shohauto potundi 23:40, momukunda Evululuko uule wookilometa hetatu okuza mondoolopa yaKahao moshitopolwa shaMusati.

Omukuluntu gopolisi Lineekela Shikongo gokoMusati okwa hokolola kutya ohauto ndjoka yolwaala olutokele, oya li tayi hingililwa mepandanda enene lyaKahao moka omuhingi ali mo oye awike, e ta ndopa okukondolola ohauto, oya galangata e ta mono oshiponga.
Okwa li a falwa koshipangelo shaKahao hoka a ka hulithila, aakwanezimo oya tseyithilwa.

Moshitopolwa osho tuu shika shaMusati, Shikongo okwa li a lopotelwa oshiponga shoka sha kanitha oomwenyo dhaalumentu yatatu, ongulohi yEtitano potundi 19h00 yomasiku 25 Mei.

Shikongo ta hokolola kutya ohauto yoLand Cruizer oya li tayi hingililwa mondjila onene pokati kaRuacana noMakange, moshikandjohogololo sha Ruacana.
Ta gwedhapo kutya ohauto ndjika oya li yi idhenge mongombe e tayi galangata iikando oyindji, ayehe ye li yatatu oya li ya hulithile poshiponga.

LEAVE A REPLY

Please enter your comment!
Please enter your name here