Mnangagwa a tseyitha esiku lyomahogololo moZimbabwe

0
18

HARARE – Zimbabwe okwa pyakudhukwa okuya momahogololo momasiku 30 Juli 2018, Omupresidente Emmerson Mnangagwa osho a li a tseyitha etokolo ndika.

Ta tseyitha omasiku okupitila mokafo koontokolwaveta dhepangelo mEtitatu, Mnangagwa okwa li a totha mo Omaandaha, 30 Juli 2018 onga esiku lyokuhogolola omupresidente, iilyo yopashigwana osho woo ookansela.

Okwa li wo a tseyitha kutya ga8 Sepetemba olyo esiku tali tulwa po lyokushuna mo momahogololo uuna kaape na omusindani a ukilila e na oopelesenda 50% kwa gwedha ewi limwe.

Omahogololo ngaka gomo2018 ogo gotango okuza mo1980 kaage na ngoka a li nale omupresidente Robert Mugabe nosho wo omikondjithi gwe gwethimbo ele

Mugabe okwa li a kuthwa koshipundi ketanga lyegameno muNovomba omvula ya zi ko, omanga Tsavangirai a li e hulitha oondjenda dhe muFebuluali nuumvo konima sho a li a kondjo nokaankela ethimbo nuule.
Ngoka a pingene po Mugabe koshipundi shuupresidente, Emmerson Mnangagwa, okwa uvanekela Aazimbabwe nuuyuni awuhe kutya omahogololo otaga ka kala ge li pauyuuki.

OEuropean Union oya Shaina nale euvathanotsokumwe nepangelo lyaZimbabwe, moka taya ka kala aakaleli momahogololo ngaka.
Mboka ya talika ko ye li komeho momahogololo ngaka oyo Mnangagwa ye mwene, nomuleli gwongundu yo-MDC-T, Nelson Chamisa
Ekotampango lyaZimbabwe otali popi kutya opo wu ninge presidente, owu na okumona oopelesenda 50 taku gwedhwa ewi limwe momahogololo.
– NAMPA / ANA

LEAVE A REPLY

Please enter your comment!
Please enter your name here